قصة مكانش حلم الحلقة الخامسة

اسلام : معرفش

رن تليفون البيت جريت منى ترود

منى : الحححقققققققنى يا عماااااااااااااد ،، كرييييييم

عماد جه يجرى و خطف منها السماعه ،، كان الخط اتقفل
عماد مسك كتف منى و هزها : فين كريم ماله يا منى

منى بعياط : صوته مش طالع كلمنى و قالى الحقينى

منى بتحاول تكلمه ع الموبايل موبايله مقفول

اسلام بدموع فى عينه : انا عارف هو فين

عماد و منى و ندى بصوله

***********************************

فـ المستشفى ،،

الدكتور : الكسر بسيط الحمد لله ان محدش شالو غلط او تنى رجليه غلط

منى بدموع : يعنى هيبقى كويس يا دكتور ؟؟

الدكتور : اه الحمد لله الكسر مش محتاج القلق دا كله ،،
هو جبس شهر و راحه تامه و هيبقى زى الفل

منى قعدت جنب كريم مسكت ايدو باستها :

كدا يا كريم تخرج من ورانا و تعمل كدا ،،

عماد محبش يزود ع كريم و طلع لـ اسلام

اسلام كان قاعد على كراسى جنب الاوضه بتاعه كريم و ندى قاعدة جنبه و بتبص عليه

عماد بعصبيه و صوت مكتوم مراعاه لمستشفى :

عماد : انتا الى ساعدت اخوك انه يخرج برة البيت
و نزلت حلفانى ع الارض و ادى اخرتها اخوك كان هيروح فيها

اسلام : يا بابا حضرتك حلفت بالدين و من حلف بغير الله فقد اشرك

عماد رفع ايديه و ضربه بالقلم
ندى اتخضت و خبت نفسها ورا اسلام

اسلام حسس ع القلم بإيد و بص بطرف عينه على ندى

عماد شاف خضه ندى ندِم انه مد ايدو ع اسلام و كانت اول مرة يعملها

شاف الدكتور داخل لكريم ،، بص لاسلام فى حسرة و دخل مع الدكتور

********************************

اسلام استنى اما عماد خلص تهزيقه و ضربه و متكلمش

ندى جت من وراه ووقفت قدام اسلام و هى بتطبطب على ايدو

ندى : معلش يا اسلام

اسلام مش قادر يبص فى عينها و باصص ع لارض

ندى : عمو عماد خايف ع كريم بس ، عمل كدا من خوفه عليك و عليه

اسلام بص لندى بابتسامه ووطلها :

اسلام : عارفه يا ندى و فى سرة " نفسى اقولك كلام كتير اوووى بس مش عارف هتفهمينى ولا لا انتى بجد الى مصبرانى ع العيشه و انتى الى عشانها هحقق حلمى و هبقى مهندس كبير "

ندى : ايه ؟؟

اسلام : اما بابا يطلع قوليله اسلام روح

ندى : بس الوقت متأخر يا اسلام همتشى ازاى دلوقتى

اسلام : انا راجل يا ندى ،، مش هتفرق الوقت انا اطمنت ع كريم الحمد لله

ندى مسكت فى ايدو و عنيها اقرب للتدميع : هتسيبنى لوحدى

مستحملش اسلام نظرتها مد ايدو مسح شبح الدمعه الى كانت على وشك النزول و قعدها جنبه و هو بيقولها : انا عمرى ما هسيبك ابدا

عدت ساعه كريم جبس رجله فيها
فى حين ان ندى مستحملتش لاسهر اكتر من كدا فـ ميلت راسها على كتف اسلام

اسلام بصلها بفرحها سند راسها كويس بأيدو التانيه

طلعت منى تطمن عليهم لقت ندى و اسلام دموعه نازله على خدة
قلقت عليه و جريت تشوفه همسلها : هشششش يا ماما ندى تعبانه من السهر اما نروح نتكلم انا كويس متقلقيش

منى بثتله بععدم اطمئنان : طيب صحى ندى وفوقها و خد مفاتيح العربيه انزلو اقعدو فيها احنا خلصنا و نازلين حلا

دخلت منى ،، اسلام حاول يفوق ندى

ندى بصوت نايم و مش متزنه : همممم

اسلام : قومى يا ندى هنزلك تنماى فى العربيه احسن

ندى :لا

اسلام ابتسم : قومى يا بت بطلى كسل

ندى : هأة

اسلام قوم ندى سندها

ندى و هى بتدعك فى عنيها : اهو همشى اهو

نزل اسلام و ندى ،،
ندى فاقت و مش جايلها نوم

اسلام قاعد قدام مكان ما بيسوق عماد و ندى قاعدة ع الكنبه سانده راسها لورا

اسلام محاوط راسه بايدو و ساندها على الدريكسيون

ندى بصتله و فجأة : اسلام هو انتا روحت الملاهى قبل كدا ؟؟

اسلام بمفجأة : اهااا كتيييير

ندى : تعرف انى عمرى ما روحت ملاهى خالص ،، نفسى اركب المراجيح اووى دى

بص اسلام ناحيه ما بتبص ندى و لقى ملاهى بس قافله

سكتت ندى و رجعت تانى لورا و هى بتبص عليها

اسلام سرح فى ندى و طفولتها

عماد و منى نزلو و هما مسندين كريم

عماد شايل كريم و منى بتفتح الباب

منى : ندى انزلى اقعدى قدام هاخدك على حجرى

ندى مش فايقه بس عنيها مفتوحه ،، صرخت منى عشان تسمعها

كريم : يلا يا باااردة انتى مش شايفاانى

ندى فاقت على صوت منى و تهزيق كريم ليها ،،

ندى بخضه : فى ايه يا خالتو

منى بغضب : انزلى يا ندى قولت هاخدى على حجرى عشان كريم يفرد رجله

نزل اسلام من العربيه و قف جنب كريم و عماد واقف جنبه

اسلام لـ كريم : اخر مرة هقولك فيها يا كريم تحترم نفسك مع ندى

عماد بص لاسلام بغضب ،، بص اسلام لباباه ووطى راسه و دخل العربيه

ندى قعدت على رجل منى و طول الطريق اسلام سرحآن فى ندى و مركز مع سرحانها و عنيها الحزينه

و فـ البيت و فـ اوضه ندى
غيرت هدومها و طلعت ع السرير

نامت نومتها المعتادة و هى مكلبشه فى نفسها و ضامه رجلها لبطنها

افتكرت ندى زعيق منى ليها و معامله كريم ،،

نزلت دموعها فى صمت المعتاد ،،

ندى : يا ترى ايه الى مخبياهولى الايام ،، و ليه خالتو بقت بتعاملنى كدا ... صح منا مش بنتها مهما كنت هيفضلو ولادها الاتنين اغلى عندها منى

يآآرب انا صابرة ع الدنيا دى عشان تدخلنى الجنه الى هشوف فيها بابا و ماما هناك ..... و محمد و فريدة
يا ترى يا فريدة انتى عامله ايه منغيرى

اسلام قاعد فى اوضته ،، كآن نفسه ندى تكون اخته الى من دمه و لحمه بجد

او يكونو باباها و مامتها عايشين ،، قام اسلام طلع صور خالته و جوزها و ندى و هى لسه مولودة و قعد يتفرج عليهم

و يصبر نفسه بيهم لحد الفجر عشان تطلع ندى من اوضتها و يصلى بيها كالعادة

محمد قآعد فى اوضته بيذآكر ،، تدخل عليه مايسه زوجه رشدى ،،

مايسه : سيف مش عايز حاجه يا حبيبى اعملهالك ؟؟

محمد : شكرا يا ماما ربنا يخليكى

مايسه : ماشى يا حبيبى دى السندويتشات لو عوزت تاكل تانى اطلع اعمل : )

محمد : حاضر يا ماما ربنا يخليكى ليا ،، هى ريتاج فين ؟؟

مايسه : ريتاج معايا نايمه فى اوضتى

محمد : طب ما تجبيها هنا

مايسه بلجلجه : ها لا لا عشان تعرف تذاكر براحتك

سابت مايسه محمد الى قعد يزاكر بإبتسامه و دخلت اوضتها

رشدى : سيف صآحى ؟

مايسه : ربنا يخليهولنا يارب ،، بيذاكر

رشدى : الولد دا جالنا نجدة من السما ربنا يحميه لشبابه ،، الغريب انه يشبهلنا

مايسه : يلا ربنا يباركلنا فى عمرة اهو ولد يراعينا

ريتاج بتعيط و بتعد ك فى عنيها : ماما عايسه انام

رشدى : انتى مش بتنيميها مع سيف ليه فى اوضتها ؟

مايسه بحدة : انتا اتجننت يا رشدى اسيب بنتى مع ولد غريب

رشدى : دا اخوها يا مايسه

مايسه وهى بتحضن ريتاج :لا مش اخوها مهما حصل هيفضل غريب و انا مضمنوش

طفت مايسه نور ابجورتها ،، فكر رشدى فى كلامها و قال و هو بيطفى نور اباجورته : عندك حق ،،

آذان الفجر اذن

اسلام طلع من اوضته وقف قدام اوضه ندى و هو ساند ع الحيطه مستنيها تخرج مخرجتش ،، قلق عليها لانه متعود ندى هى الى بتقوم تصحيه و تخبط ع بابه

خبط الباب و شاف النور مفتح من عَقب الباب

فتح الاوكرة و بص ع ندى ملقهاش قلق دخل و ساب الباب مفتوح

لقى ندى فى البلكونه و نايمه منغير الحجاب

دخل اسلام دور على حجاب و حطه على شعرها صحيت ندى و اتنفضت من وجودة

اسلام بخضه على خضتها : الفجر اذن قلقت عليكى اما مطلعتيش عشان نصلى

ندى خبت الصور و الحاجات الى فى ايديها و دخلت الاوضه حطتها فى صندوق صغير جوة دولابها و قالتله : راحت عليا نومه هروح اتوضى

اسلام : ندى ؟

ندى الفتت له : نعم ؟

اسلام : هو ايه الى انتى خبتيه دا شكلها حاجه مش عايزانى اشوفها ؟

ندى بلجلجه : ها لالالا دى سر ليا و لاصحابى فى الدار هفرجك عليها بعدين

اسلام بإبتسامه : ماشى

ندى : انا هطلع اتوضى
ندى طالعه و اسلام طالع وراها من اوضتها اتخضت ندى اول ما شافت ....

......... : انتو بتعملو اييييه هنا ؟؟

======================================

محمد قآم يتوضى عشان يصلى زى ما رشدى علمه و قاله ،،

شاف نور اوضه مكتب رشدى مفتوح ددخل يقفله لقى ورق واقع ع الارض
طلع برة المكتب و هو بيقفل الباب رجع تانى و هو بيقول : ارتبهوله لـ يكون حاجه مهمه و تبوظ

دخل محمد المكتب وطى الورق و رتبه بص على الورق و اتفاجأ من الى فيه ...

محمد : ايه دا ؟؟!!

يُتــبــع ،،،،