قصة مكانش حلم الحلقة 19

من طرف **Admin** الأربعاء يوليو 03, 2013 4:01 am

عربيه ماشيه بعكس الاتجاة و لصغر حياه مش شايفاها
فرملت عليها اتخبطت حياة وقعت ع الارض

ندى وقفت مصدومه مش عارفه تتحرك

منى ضرخت فى الشارع كله : بنتتتتتتتتتتتتتتتتتتتتتتتتتتتتتتتتتتتتتى

رن موبايل ندى قآمت بفزعه و خضه مسكته و ايديها بتترعش

لقيته المنبه قفلته و قآمت لبست الاسدال و طلعت جرى تشوف حياة

اسلام قاعد بيذاكر و الباب مفتوح شآف ندى بتجرى طلع بخضه يسألها

ندى من الكابوس اىل كانت فيه مش عارفه تنطق كل الى بتعمله انها بتشاور و بتاخد نفسها بصعوبه

اسلام قلق و بعصبيه : اهدى يا ندى فى ايه

ندى بدموع : حياااة حياة يا اسلام

اسلام بيبص على اوضه منى و عماد الى فيها حياة : مالها حياة ؟

ندى : حلمت حلم وحش اووى

اسلام بنظرة صعبان عليه ندى : متقوليش على اى حلم انه وحش عشان دا بيكون من ربنا يا ندى

اهدى يا نودا بقى حياة كويسه انا لسه مدخلها عند ماما دلوقتى

ندى ابتدت تاخد نفسها و حطت ايديها على قلبها

ندى : الففجر اذن ؟

اسلام بابتسامه بص فى ساعته : كدا فاضله عشر دقايق
يلا نتوضى يكون اذن

بعد الصلاة قام اسلام و بيطبق مصليته
شاف ندى قاعدة مكانها بتراقبه بعنيها
و بعدين قامت بابتسامه و طبقت مصليتها و حطيتها على ايدها

اسلام بابتسامه تعجب : خيـــــر ؟؟

ندى باستهبال : لا ابدا

اسلام : لا و الله ؟؟ طيب

ندى بكسوف : احم انا هعمل نسكافيه اعملك معايا ؟

اسلام : و انا من امتا بسيبك تشربى او تاكلى حاجه لوحدك

ندى بصوت مش طالع : ماشى

فهم اسلام كسوفها قال و هو داخل اوضته : هطفى النور و الم الكتب و ادخل البلكونه

=================================

و على الشات ،،

كريم : هو انا ممكن اسأل سؤال ؟

........... باستغراب و فرحه : اتفضل ؟

كريم : انتى ازاى بتفتحى دايما و فى نفس الوقت بتزاكرى و شاطرى كدا يا فريدة

فريدة : ههههههههههههههه دا نظام حسد ؟

كريم : لا دا قر بس ^^

فريدة : مممممممم كل الحكايه انى بعرف اوزع وقتى
يعنى على اد ما بذاكر و برضى نفسى بكافأ نفسى بردو بـ الحاجه الى بحبها

كريم : يا جااااااااااامد

فريدة : بجد يا كريم خدها منى نصيحه
إحمد ربنا ان السنادى مبقتش شهادة
انتا علمى رياضه و محتاج مزاكرة و شد شويه

لو من الاول يا كريم ناويها لعب يبقى كنت تدخل ادبى
دا مش تقليل من القسم او حاجه بس عشان الادبى فرصه كتيرة بمجموع قليل انما العلمى فرصه قليله و مجموعها اكببببببببببر

كريم بتفكير : كلامك صح و انا مقولتش حاجه بس انا عارف نفسى
انا طول عمرى مش متعود ع المزاكرة بس فـ 3 غيييييير
يعنى لو كنت اديتها جامد السنادى و زاكرت و كدا هاجى السنه الى جايه تتح فى راس البر

فريدة : ههههههههههههه عليك مصطلحات

كريم : اعجبك انا

دخل اسلام ع كريم لقاه مبتسم

اسلام : خييييييييير بتكلم مين ع الصبح

كريم و هو باصص للاب : فريدة

اسلام بفرحه : مممممم عسل فريدة دى

كريم : اووووووى يا اسلام و الله

اسلام : بتتريق ؟

كريم : ابدا و الله هتريق ليه ؟

اسلام : اصلك اول مرة تتكلم على بنت بطريقه كويسه

كريم : يا اسلام يا حبيبى البنات الى اعرفهم كوووووووووم
و الى بكلمهم و بديلهم من وقتى كوووم
و الى بحبهم دول كوم تاااااااااانى خالص

اسلام : و فريدة من انهى نوع بقى ؟

كريم : مممممم فريدة شخصيتها لذيذة و زكيه
مرحه و طيبه و شكلها عسول مش وحش

اسلام : اهاااا طيب كويس و الله

كريم : بس قولى هنا مالك كدا عمال تسأل و فريدة و بتاع
انتا عينك هتزوغ من اولها

اسلام : احترم نفسك يلا بكره تفهم اما ربنا يهديك

كريم بعدم تركيز من كلام اسلام : ادعيلى اساحبى

===================================

بنوته بتخبط ع بآب و يرود ،،

سيف : تعالى يا رورو

ريتاج : بص بقى انا محضرالك كزا درس كدا فلللله

سيف : هههههههه و الله انتى الى فله يا فلتى تعالى قوليلى الى انتى عايزاة

ريتاج : مش هعطلك ؟؟

سيف : انا خلصت يا كوكى و كنت هنآم

ريتاج : موشى يا سيدى اتفضل ادى العربى و دا الجبر

هدى واقفه على حرف الباب بتسمع كلامهم

عدى رشدى من جنبها ،،

رشدى : بطلى بقى خوووفك الزيادة دة

هدى : خوفى و قلقى يا رشدى ؟
هى بنتى لوحدى ؟

رشدى : مبقاش فى خوف من سيف يا هدى خلاص

هدى : بس فى خوف من ربنا و احنا عارفين ان الى بنعمله دا حرام و هنتحاسب عليه
و محدش عارف اجله امتا و حاجه زى دى
هتدخلنا النار حدف

رشدى بيفكر فـى كلامها

هدى ماشيه تبع نظام الزن ع الودان

هدى : اسمع منى يا رشدى ، الى ربنا مقدرة لـريتاج هتشوفه بس احنا مش هنستحمل عذاب ربنا بسبب حاجه زى دى يا رشدى

رشدى : تعالى ننام يا هدى و بكرة يحلها الحلال

رشدى دخل الاوضه غير هدومه و هو بيفكر فى كلام هدى

رشدى ابتسم من فكرة جاتله : دا الحل الى يرضى ربنا و يحافظلى على بنتى
ان شاء الله هنفذة

=============================

ندى خلصت النسكافيه و دخلت لـ اسلام
اول ما شافها قدم كرسيين قدام بعض

ندى : السكر مظبوط ؟

اسلام : و من امتا بتعملى حاجه مش مظبوطه ؟؟

ندى : مش ملاحظ انك بتكسفنى كتير ؟

اسلام : بصراحه ملاحظ و قاصدها بحب اشوف شكلك و انتى مكسوفه

ندى وشها احمر اكتر و قالت بجديه : اسلام لازم تعرف ان عشان ربنا يباركلنا لازم منعملش الغلط
حتى لو بالكلام ،، و مندخلش الشيطان بينا من اى باب

اسلام اتكسف من نفسه : يمكن زودتها شويه الايام دى بس صدقينى يا ندى دا من فرحتى
انتى متعرفيش انا كنت بتعذب اد ايه

ندى : بعد الشر عليك يارب متقولش كدا تانى

اسلام بابتسامه : تبنا يا فندم ^^

ندى : ثوانى و جآيه

اسلام : ماشى

دخلت ندى وقفت قدام دولابها المفتوح و هى بتفكر
قدمت ايديها مسكت الصندوق و رجعتها تانى
افتكرت اسلام و ابتسمت مدت ايديها عليه و مسكته و طلعت بيه

ندى واقفه قدام اسلام و مدا ايديها بالصندوق

اسلام بص ع الصندوق و قال بابتسامه استغراب : يعنى ؟؟

ندى قعدت ع الكرسى : يعنى مينفعش تكون فى حاجه فى حياتى انت مش عارفها
الصندوق دا فى كل حياتى يا اسلام

اسلام رجع الصندوق لـ ندى

اسلام : مين الى قالك انى مش عارف عنك كل حاجه ؟

ندى ابتسمت : فى حاجات كتير انت لسه متعرفهاش

اسلام جواة " الحاجات الصغيرة الى جواكى بالنسبالك كبيرة يا ندى بس انا فى الحقيقه عارف كل حاجه "

اسلام اخد الصندوق من ندى
اطمنت ندى و ارتاحت
ابتسم اسلام
================================

ندى بتحضر الاكل ع السفرة

ندى : بابا فى رحله عندنا فى المدرسه عاوزة اطلعها

اسلام اتفاجأ و قال بطريقه لا اراديه : نعم ؟ مقولتليش يعنى ،، احم اقصد من امتا بتطلعى رحلات يا ندى ؟؟

ندى افتكرت انها مقالتش لاسلام " يادى النيله السودا نسييييييييييت "

ندى بتنقذ الموقف : لا ما هو اصل

عماد بتأكيد ع كلام اسلام : صحيح يا ندى من امتا بتخرجى لوحدك و بالزات لو رحلات ؟

ندى : يا بابا كل اصحابى طالعين و فريدة كمان و كريم لو مكانش عندو تدريب مهم للبطوله كان هيطلع

عماد : فين ؟

ندى بفرحه انه قرب يقتنع و اقناع اسلام هيكون سهل : لـ قلعه قايتباى و مركب فى البحر

عماد : ممممم انا بثق فـ فريدة طلاما طالعه معاكى مافيش مشاكل

اسلام بيتابع الموقف للاخر و ساكت
طول الكلام بيقلب فـ الطبق لحد ما الشوربه بردت

ندى لاحظت سكاته

ابتدى يآكل و هو متجاهل ندى تماما

خبط باب الشقه قآمت ندى تفتح

ندى اتفجأت : طنط حوريه ازيك ؟

حوريه : الحمد لله يا حبيبتى منى هنا

ندى : اة يا طنط ثوانى اناديها
ندى بسرحان بتنادى منى و كأن الشريط بيتعاد للمرة التانيه

راحت منى تشوف حوريه ،،
و رجعت منى بعد ما حوريه مشيت و على وشها علامات بفرحه

ندى مستنيه منى تتكلم

عماد : خييييييير يا منى

منى : خييييير ان شاء الله بس قبل ما اقولكو قبل ما انسى
حد يجيب حياة بكرة من الحضانه عشان عمتكو سعاد رايحه عند الدكتور عشان معاد ولادتها
و هروح معاها

ندى بصت على اسلام بترقب

اسلام : انا هوديها بكرة و انا رايح الجامعه

منى : و مين هيجيبها ؟
صحيح يا ندى بكرة معادنا مع الخياطه عشان نستلم الهدوم المتفصله
عدى عليها جيبيها بعد مدرستك و استنينى عندها

ندى بلجلجه و خوف : لا عندى درس بكرة

كريم : درس ايه دا ؟

ندى : ها ععع ربى حصه زيادة يا كريم نسيت

كريم حس انه لخبطت الدنيا و انه هيبان انه محضرش اخر حصه فـ سكت و اكد كلام ندى : اااااااااااااه افتكرت صح
طب تمام كويس انك فكرتينى

منى : خلاص انا هجيبها المهم الفرحه التانيه

حوريه يا عماد

عماد : خير ؟

منى : ادهم طالب منك معاد