قصة مكانش حلم الحلقة 15

من طرف **Admin** الأربعاء يوليو 03, 2013 3:26 am

ندى شافت النور اتقفل استغربت رجعت اوضتها لقت الشروق مش باقيله كتير صلت و نامت و هى بتفكر

*****************

اسلام عآمل نفسه نايم ، دموعه محاوطاة
نفسه يصرخ او يتكلم مش قادر

كلام ندى بيرن فـ دماغه

اه ادتهاله بس على الله يفهم انى انا مهتمه بيه و بحبه بقى و كدا و انا اصلا بحبه زى اخويا وانتى تضحى بالى بتحبيه عشان بيحب صاحبتك و افلام عربى بقى و كدا

اسلام : ياااااااااااة يا ندى للدرجه دى اهتمامى بيكى و حبى ليكى عندك ميساويش
اتعلمتى منين القسوة دى !!
يعنى عارفه حبى ليكى و حاسه بيا و سايبانى اتعذب
ليييييييييييه يا ندى ،، بس فريدة ؟

فريدة بتحبنى ازاى
كسوفها اما بتشوفنى و قله كلامها معايا كان من حبها ؟

للدرجه دى انا غبى ؟
و بعذب واحدة بتحبنى بجد

مش هعذبك تانى يا فريدة
مش هخليكى تجربى الاحساس الى انا حاسه دلوقتى

يــــــــــــــآآآآآآآآآآآآآرب

================================

صحيت ندى بصت فـ الساعه ،، 8 الصبح

قآمت غسلت وشها و رجعت قعدت فى الاوضه و هى فاتحه الباب حاولت عشان تشوف اسلام و هو طالع و تكلمه ،،

ندى قاعده ع المكتب ماسكه الملازم و بتحاول تزاكر

شافت خيال طالع من الاوضه طلعت جرى تشوف مين و هى طالعه اتكعبلت و كانت هتقع

كريم بخضه : براحه يا ندى متجريش كدا يا بنتى غلط

ندى : ازيك يا كريم ؟

كريم بابتسامه : الحمد لله يا نودا انتى ازيك

ندى بتوتر و بتحاول تبص جوة الاوضه

ندى : الحمد لله ،، كريم هو اسلام فين ؟؟

كريم بص ع الاوضه و رجع بصلها : اسلام نزل من شويه ،، غريبه ؟

ندى باستفسار : غريبة ليه ؟؟

كريم : اقصد يعنى ان انتى اول واحدة بتعرفى تحركاته كلها

ندى ضحكت : قُر قُر ماهو حسدكو دا الى جايب الناس ورا

كريم : ههههههههه يا ستى ربنا يهنى ،، المهم انا عايزك فى حوار

ندى : اكيد مصيبه

كريم : قولى انشاله

ندى : خيييييييير

كريم بيبص يمين و شمال : بصى يا اختى يا عسل انتى يا ام عيون زرقا و كحيله الاهوى انا عندى اخت مزة كدا

ندى : اتلم يلا و ادخل فى الموضوع ع طولل

كريم : احم ربنا يسامحنى ع الكدب الى كدبته من شويه دا المهم

ندى : هااااا

كريم : انا مش جاى درس العربى بس ان حد سألك انا حضرت اشطه ؟

ندى بتفكير و خوف : لييييه مش هتحضر ؟

كريم بيبص حواليه ليكون حد سامعهم : بصى و الله هقولك كل حاجه انتى عارفه انى مش بخبى حاجه عنك بس خليها فى وقتها

ندى بخوف من تفكيرها : هتقابل مييييييين ؟؟

كريم : بصى بقى منار قافشه من امبارح و انتى عارفه اخوكى مأشفر هاخد فلوس الدرس و اخرجها بيهم و اعدى الليله

ندى : كريم ماما بتتصل بالمدرسين و بتسألهم ع مستوانا انتا محضرتش المرة الى فاتت و بعدين يبنى انتا مش لسه مفركش معاها

كريم : لالالالا دى كانت ايه

ندى : و الله حرام عليك البنات دى يا كريم
انتا عندك اخوات بنات

كريم بقفش : بصى يا ندى انا مش بغصب عليهم يصاحبونى ، و الله بنت بتعجبنى بروح اتعرف عليها بلاقيها بتتكلم عادى و مش بتصدنى
اطلب رقمها بتديهونى و هم بيكونو عارفين انه اعجاب و صحوبيه يومين
و مع ذلك بيجربو انا مش بضربهم ع ايديهم
و بعدين انا عارف تفكير اخواتى وواثق فى تربيتهم

ندى : بس هم بيحبوووك يا كريم

كريم مشى من قدام ندى و هو بيشاورلها و بيضحك : مش مهم الى تحبنى الاهم البنت الى تصدنى

==================================

اندى اغمى عليها اتمل عليها الناس لفت داليا وشها بخضه
جريت اما شافت اندى واقعه ..........

داليا بدموع : انا اسفه يا اندى ،، اسفه اووووووى يا حبيبتى
انا مش عارفه ازاى قولت كدا و الله لحظه غضب

اندى بوجع : شششش بس يا عبيطه انا حاسه بيكى يا داليا و عارفه الى فيكى

داليا اترمت فى حضن اندى و هى بتعيط اندى خانتها دموعها الى نزلت و هى بتفتكر ...

فلاش باك ،،

الدكتور : قلبه مستحملش الخضه ،، شدى حيلك

اندى بانهيار : يعنى ايييييييييييييييه ، نور مات

داليا تاخد اندى فى حضنها بصدمه تقع اندى من طولها بسبب الانهيار العصبى

بعد ايام فـ المحكمه

حكمت المحكمه حضوريا على المتهمين

على السيد جمال
حسن محمد الشرقاوى

بالسجن 5 سنين مع الشغل
رفعت الجلسه

فاقت اندى على صوت موبايل داليا و هى بترود

داليا : انا قولت لماما انى هبات معاكى انهردة

اندى بدموع ووجع فى قلبها اما افتكرت : تنورى يا حبيبتى

========================

اسلام قاعد فـ السكشن ساند راسو على ايدو
و بيشخبط فى ورق قدامه

داليا بتكتب ورا الدكتور و كل شويه تخطف نظرة ليه

محمود واخد باله من نظرات داليا لكن مش مبينلها
و صعبآن عليه حال صاحبه و مش بإيدو حآجه غير السكوت

بعد السيكشن قآم اسلام و هو بيرتب الورق الى قدامه
طلع هو و محمود

محمود : هتحضر المحاضرة الى جايه ؟؟

اسلام : اه يا محمود

محمود : بس انتا شكلك مرهق اوووى يا اسلام روح ارتاح يبنى انتا منمتش من امبارح

اسلام : مش عايز اروح يا محمود مش هقدر اشوفها قدامى

محمود : اسلام متحكمش عليها من مجرد كلام سمعته

اسلام انتبه ليه بصدمه اما افتكر صوت ندى و كلامها : محكمش عليههها ؟؟

اما تديلى هديه امبارح و تكلم صاحبتها و تقولها اه ادتهاله بس يارب ميفهمش انى معجبه بيه دا اييييييييييه
و اما تقولها انا لايمن ابص لحد انتى بتحبيه

محمود : ما هو يمكن بتحبك يا اسلام بس بتضحى عشان صاحبتها بتحبك

اسلام بيحاول يطرد اى تفكير جواة : مش هتعشم تانى يا محمود

يقطع كلام محمود صوت البنت الى بتنادى على اسلام

اسلام : داليا ؟

داليا : ازيك يا اسلام ؟

اسلام : الحمد لله ، ازيك انتى يا داليا ؟

داليا : تماام و انت ازيك يا محمود

محمود : تمااام يا داليا

داليا لـ اسلام : انا كتبت المحاضرة و الحاجات المهمه الى الدكتور قال عليها
انا لاحظت انك مكتبتش حاجه قولت اجيبلك كشكولى و ...

قاطعها اسلام بتعب : شكرا يا داليا انا فعلا تعبان شويه
محمود كتب انا هنقل منه

داليا اتكسفت وتكونت فى عيونها دموع نغزى محمود فى كتفه
حس اسلام انه غلط فى الكلام

اسلام بيحاول يصلح الموقف : اقصد عشان تعرفى تزاكرى و مشلش همك
نغزة محمود تانى

اسلام بزهق : يووووووة داليا انا اسف بجد

داليا بدموع : انا الى اسفه اسفه اوووووى يا اسلام ،،

مشيت داليا بخطوت سريعه و هى كاتمه دموعها

اسلام وقف مزهول مش عارف يفكر

محمود وقف قدام اسلام : متتصدمش يا صاحبى
اصل ساعات الدنيا بتيجى فى اكتر وقت محتاج طبطبه فيه من حد
و تديلك فوق دماغك اكتر كأنها بتاخد حق ناس ظلمتها معاك منغير ذنب !

اسلام : داليا بتحبن....

قاطعه محمود : مش مهم مين بيحبك المهم انتا بتحب مين
متظلمش حد عشان موقف يا اسلام
و متبنيش قرارات فى وقت زعل عشان محدش غيرك هيندم بعد كدا

إسلام : انا موجووووع اووووووووووووووى يا صاحبى

محمود : قلبى حاسس ان فى حاجه غلط
فى حلقه مفقودة يا اسلام

اسلام : مبقتش عارف حاجه مخى اتشل ع التفكير

محمود : بعد الشر علييييييييييك اهدى بس كدا و الى فيه الخير ربنا هيقدمهولك

================================

سيف ( محمد ) فاق من البنج
رشدى قاعد ع السرير الى جنبه هو و هدى
و ريتاج مقربه كرسى من السرير و قاعدة جنبه

ريتاج : الف سلامه عليك يا سيفو

سيف بألم : الله يسلمك يا رورو

ريتاج : كدا تخضنى عليك كدا

سيف : متبكيش يا حبيبتى عشان خاطرى ، أنا زى الفل اهو

ريتاج : محدش عارف يزاكرلى الرياضه زيك

سيف : بكرة هخرج و هفهمك الى انتى عاوزاة

قرب سيف ايدو من ريتاج مسكتها ريتاج و نامت عليها

هدى قاعدة جنب رشدى هطق من الغيظ عايزة تقوم و تمنعها
لكن منع رشدى كان اقوى ليها

خلاها تسكت و تسلم امرها لله
و الى طمنها ان سيف فقد الذاكرة للابد بس دا ميمنعش
ان مهما حصل لـ سيف فـ انه اجنبى عنها و اى لمسه هتتحاسب عليها
هى و رشدى

==================================

ندى بتبص للساعه الوقت بيمر ببطىء اوى عليها

حاولت تكلم اسلام اكتر من مرة فى كل مرة الهاتف مغلق

الساعه بقت 10
منى طالعه من الاوضه و معاها حياه ماسكه فى رجلها

حياه شافت ندى جريت قعدت جنبها

حياه : انتى خلثتى يا نتى ؟

منى : مالك قاعده كدا ليه يا ندى ؟

ندى ملست على شعر حياه بابتسامه و فتحت التليفزيون و هى بتتوة السبب الرئيسى لقعدتها

ندى : ابدا يا ماما متابه برنامج هتفرج عليه و هقوم انام

منى : الدرس خلص امتا ؟

ندى : اممممم 6 وربع تقريبا و عقبال مصورنا و جينا كانت 6 و نص

منى : و مستوى كريم كويس ؟

ندى بخوف انها تتكشف : اااة ااة يا ماما حتى المستر بيشكر فيه جدا

منى : ربنا يوفقكو يا بنتى ،، هو مجاش معاكى

ندى : هاا لا جه و نزل و حضرتك نايمه من شويه صاحبه هيديله ملازم مهمه

منى : ربنا ينجحكو و اسلام مجاش ؟

ندى بحيرة : لا يا ماما لسه

منى : طيب اما ييجى حضريله الاكل يا ندى و بصت لحياه بوسه لماما
بعتتلها حياه بوسه ودخلت منى تنام

حياة قاعده جنب ندى و ندى بتقلب فى التليفزيون بعدم تركيز
حياه : نتى نتى سيبى توم و ججيلى تا

ندى كانت قلبت رجعت القناة تانى و بصت لحياة و ضحكت
بصت فى الساعه لقيتها 10 و نص
كلمت اسلام موبايله مقفول
كلمت كريم عشان تقوله ييجى و بعدت عن حياه

====================

كريم قاعد مع سيف و مصطفى بيهزرو معاة

رن موبايل كريم

مصطفى : يسهلوووووو انهى واحدة دى

كريم : بس يا عبيط دى ندى اختى

رد كريم : الو يا نودا

ندى : الو يا كريم انتا فين ؟

كريم : انا مع سيف خير ؟

ندى : بص عشان متقعش فى الكلام ماما صحيت و قولتلها انك جيت معايا و نزلت و هى نايمه
روحت تجيب ملازم من صحابك حاول تجيب اى ورق و انتا جى عشان لو صحيت و انتا جيت
تمام

كريم : هههههههههههههههههههه يا بنت اللعيبه طلعتى نكته ،، ماشى يا مظبطانى نردهالك فى كته

ندى : هاهاهاها هو انا زيك يا واد انا مش بكت انا

كريم : يلا يا دحيحه ربنا يخليكى ليا

ندى : و يخليييك

كريم : مع انى مكنتش بطيييييييييقك يا بت و احنا صغيرين حقا من حب الا بعد عداوة

ندى : هو انتا متكملش كلمه عدله يلا اقفل

كريم : هههههههههه هجيبلك جلاكسى عارفك بتموتى فيها

ندى واقفه على باب البكونه مديه ضهرها للريسيبشن عشان حياه متسمعهاش ،، فتح اسلام الباب بالمفتاح دخل سمع ندى و هى بتقول

ندى : ههههههههه ماشى ماشى ثبتنى انتا بالجلاكسى المهم متتأخرش بقى لا اله الا الله

اسلام غمض عينيه بوجع محسش بنفسه الا و هو داخل البلكونه و ماسكها من دراعها الى واجعها بكل قوته اتألمت ندى من وجعها
الموبايل اترمى من ايدها و صوتت