قصة مكانش حلم الحلقة 26

ماجد : بس انت شكلك جدع عموما متشكرلك هرودهالك ان شاء الله

ضحك اسلام بدموع : قول يارب

ماجد بضحك : يارب يا باشا يارب

مشى ماجد عكس اتجاة سيف و كريم و اسلام

كل واحد منهم ماشى فى طريق لكن بلا جدوى

الى يدور فى الشواطىء و الى يدور فى الجناين
الفجر اذن اتجمعو التلاته من تانى

اسلام : لقيتو حاجه ؟

كريم : خالص يا اسلام

سيف : انا دورت فى كل حته ممكن تكون فيها مافيش اى حاجه

اسلام بعصبيه و زعيق : يعنى اييييييييييييييييييييه مش لاقينها ازاااااااى
اتخطفت !!
ازاى تتخطف من فندددددددق ازاااااااااااااى

طلع اسلام يجرى و وراه سيف و ككريم و هم مش عارفين يوقفوة

دخل اسلام الريسيبشن و بعلو صوته

اسلام : انا عايز افهم ازاى بنت تتخطف و تختفى من فندق
ازااااااى افهمها دىىىى

مدير الفندق بيحاول ينقذ الموقف : يا فندم اهدى بس مش كدا

اسلام : مش ههدى انا هوديكو فى ستين داهيه لو ندى مظهرتش

سيف بيحاول يهدى اسلام : اهدى يا اسلام تعالى معايا نصلى و يحلها الحلال

مدير الفندق : ان شاء الله هنلاقى انسه ندى اهدى يا فندم

مشى اسلام مع سيف باستسلام للجامع
رن موبايل كريم لقاها فريدة عرف انها وصلت شقه اسككندريه هى و امل اطمن عليهم و دخل يصلى

اسلام اول ما دخل الجامع قعد يعيط و يدعى ربنا يرجعله ندى

سيف قلبه وجعه مش عارف اذا كانت مشاعر غيرة ولا غياب ندى ولا انه عرف انها مبقتش من حقه !

قرب سيف من اسلام و اخدة فى حضنه

سيف : اهدى يا اسلام

اسلام بدموع : لو كنت اعرف الى هيحصل مكنتش نيمتها امبارح زعلانه
اول مرة امبارح من خمس سنييين يا سيف مصليش بيها امام
اول مرة انيمها زعلانه
لو كنت اعرف انها اخر مرة هشوفها فيها كان كل حاجه هتتغير

سيف : متقولش كدا يا اسلام متقووووولش كدا
ان شاء الله ندى هترجع يا حبيبى
و بحُرقه ووجع قلب " هـترجع "

====================================

روح مآجد فتحتله شيرين الباب

شيرين : اهلا اهلا

ماجد بقلبه وش : اهلا

شيرين : كل دا تأخير

ماجد : مش تقولى حمد الله ع السلامه انا كنت هروح فى داهيه

شيرين خبطت على قلبها : يا نهارى ايه الى حصل

ماجد و هو بيقعد : واحد الله يخربيته اتبلى عليا لولا واحد ابن حلال كدا اتدخل ولهف منه 200 جنيه قال ايه سرقتهم منه

شيرين : الهى لا يكسب ولا يربح و مين الجدع دا

ماجد : انا اعرف يا شيرين واحد جدع كدا و خلاص و شكله ابن ناس و بخضه : اومال فين البت ؟

شيرين بعوجه بُق : اهى مخمودة جوة

قام ماجد ناحيه اوضه ندى

شيرين : رايح فين

ماجد بصلها بتعجب : هطمن عليها

فتح ماجد الباب ،،، ندى لسه قاعدة قاعدتها من كتر دموعها عنيها مبقاش ليها شكل

حس ماجد بحاجه وجعاه دخل ببطىء و ندى بترجع بضهرها

ماجد : متخافيش ،، بص ماجد ع الاكل لقاه زى ماهو
انتى ماكلتيش ليه ؟

ندى ابتدت تعلى صوتها فى العياط و هى خايفه

ماجد : متعيطيييش

ندى صوتها بيعلى اكتر فى العياط

قرب منها ماجد بعصبيه و هو بيسد ودانه عن عياطها بطريقه غريبه

ماجد : قولتلك متعيطيييش

ندى من خوفها و قلقها مش عارفه تتكلم و بتزيد اكتر فى عياطها

قرب منها ماجد ضربها بالاقلام على وشها منعته شيرين و خرجته برة اوضتها و قفلت عليها الباب بالمفتاح

ندى بتعيط بهيستريا و بتحسس مكان الاقلام

شيرين بعصبيه و زعيق : انت اتجننت ايه الى انت عملته دا انت عايزها تموت فى ايدك

ماجد بيدور بعصبيه ع القسايم : راحت فيييييييييين

شيرين : هى فين دى

ماجد : القساييييييييييم

شيرين : قولتلك مش لاقياهم

صوت ندى بيعلى فى العياط و هى مش مصدقه الى بيحصلها

ماجد بيسد ودانه و بيفتكر فلاش باك

اخته بتعيط و جوز امه بيضربها
مامته بتحاول تدافع عن نفسها قدام ضرب جوزها القاتل

ماجد واقف بعيد سادد ودانه و بيعيط
اخته وقعت من ع الكنبه من كتر عياطها
صوت عياط اخته سكت امها اخدتها فى حضنها و هى بتصوت
جوز امه هرب بعد ما شاف البنت ،،، ماتت

ماجد بيقلب فى الادراج بطريقه جنونيه
شيرين بتمنعه
زقها ماجد

شيرين : انت اتجننت ايه الى انت بتعمله دا فوووق يا ماجد

ماجد : ابعدى عن وششششششى
ماجد بيدور وقع الكوميدينو كله شاف فتحه فى الحيطه و عليها قماشه مغطياها

شيرين قامت بتجرى بتحاول تمنعه يشوف الفتحه دى

زقها ماجد اكتر
ندى بتحاول تقوم تسمع ايه الى بيحصل برة المها الجسدى كان اقوى من انها تقوم
فضلت تنزل لحد ما نامت حطت ايديها تحت خدها و ايديها التانيه حطتها على ودنها و قربت رجليها من بطنها و نامت زى الجنين

شيرين قامت من ع الارض بعد ما زقها ماجد كان فتح الفتحه و طلع كل الى جواها

ماجد بضحكه استغراب : فلوس !!
وورق انا باصم عليه و مقلدة امضتى

شيرين بخوف و صوت عالى : دى الحاجه الوحيدة الى كانت تضمنلى انك متسبنيش و تفضل معايا

ماجد قام و هو بيسيب الشنطه الى طلعها من الفتحه و ماشى ناحيه شيرين

ماجد بصوت واطى بيعلى تدريجيا : بقى انا تعملى معايا كداااا
طب امتا و ازااااااى

شيرين : صوتك يوطى عليا يا ماجد

قرب ماجد ناحيه الورق بيقطعه ،، شيرين قامت بجنون بتحاول تمنعه

زقها ماجد للمرة التانيه قامت شيرين بكل جنونها و قوتها ضربته بالشومه الى ساندة الترابيزة على دماغه

وجعت ماجد مكان الضربه فتحت دماغه
نزل ماجد فيها ضرب و من كبر سنها مستحملتش فقدت الوعى
بعد عنها ماجد و هو هو بيبصلها من فوق لتحت

ماجد : ربنا ياخدك و يخلصنا منك يا شيخه
قام ماجد و هو بيحاول يربط جرحه بأى حاجه
طهرة و ربطه بشاش ،، قرب من باب اوضه ندى
و هو بيدور ع المفتاح عشان يفتحه

===================================

سيف و اسلام قاعدين فى الريسيبشن
دخل عليهم كريم و معاه فريدة و هى بتعيط

فريدة بعياط : ندى فين يا اسلام

اسلام بعين منفخه من كتر الدموع بصلها و سكت
و رجع بص لسيف و كريم و بصوت هادى من كتر التعب : هنكمل تدوير

بس المرادى برة الفندق

فريدة هتفضلى هنا عشان لو حصل جديد تبلغينا

سيف هاخدة معايا لبرة الفندق

و كريم دور كويس تانى هنا

الكل ساكت محدش مستحمل كلمه
كلهم مقدرين مواقف بعض بيسمعو و ينفذو الكلام و هما ساكتين

سيف و اسلام خرجو برة الفندق و طلعو ع الشوارع

اسلام : سيف خلى موبايلك جنبك هتدور فى الشوارع الجانبيه
و تسأل عليها

و انا هدور ع الشواطىء و المحلات
وبابا بيكلم الاقسام و المستشفيات و لو حصل حاجه هيبلغنا

سيف : حاضر يا اسلام سلام مؤقت

مشى سيف عكس اسلام و كل واحد منهم ابتدى يدور فى مكان

====================================

فريدة قاعدة فى الفندق فاتحه صورها هى و ندى و دموعها نازله على خدها

كل صورة تفتكر موقفها و تضحك ضحكه مدمعه

قطع الصور موبايلها الى رن لقيته كريم
بصت حواليها يمكن جنبها ملقتوش ردت

فريدة : الو يا كريم لقيت حاجه ؟

كريم : لا بس انا مخنوق اووى يا فريدة
انا دورت فى كل حته فى الفندق و الامن بيدور معايا مالهاش اثر

فريدة : اهدى يا كريم و ان شاء الله هنلاقيها

لحظات صمت ،، كريم مستنى فريدة تقوله انا جيالك او تعالى او فضفض

قطعتها فريدة : انت فين يا كريم طيب ؟

كريم حس بفرحه حزينه جوة قلبه : انتى الى فين ؟

فريدة : انا لسه فى الريسيبشن تعالى خدنى و ندور سوى و ان شاء الله هنلاقيها

كريم : انا جيلك

================================

سيف ( محمد ) : ماشى فى الشوارع لقى رحله لاطفال
مكتوب على الاتوبيس
رحلات الصفوة لدور ايتام اسكندريه

اطفال كتيرة اووى المدرسه مش عارفه تسيطر عليها
شاف سيف بنتين بيدخلو شارع و بيبعدو و هما بيجرو ورا بعض عن بقيه الاطفال

عدى الشارع بسرعه و هو بيجبهم

سيف ماسك ايديهم و بيوديهم للمدرسه نزل من الاتوبيس واحد كبير

....... : كله تمام يا مس ريم نزلتهم كلهم

مس ريم : متشكرة جدا يا استاذ انا مش عارفه لولاك كنا عملنا ايه

سيف بيبص للولد عنيه اتثبتت لحظات و رجع بص لريم تانى : لا شكر على واجب

الولد ثبت عنيه على سيف و قال فى فجأة : محمد ؟؟
انت محمد مش كدا

ريم : انت تعرفه يا مستر اسامه ؟؟

سيف سكت بص لاسامه و بس و هو بيفتكر

فريدة : و محمد عمل ايه فى امتحناته
اقصد سيف

و اللحظات الى فيها ندى بصتله هى و فريدة و دهشتهم كانت واحدة
حس انه لازم يسكت و يمثل انه محمد عشان يعرف
ايه الى الدنيا مخبياة ليه

======================================

ماجد فتح الباب ،، ندى لسه نايمه زى الجنين
ماجد بيقرب منها ندى فتحت عنيها و برقت لماجد بخوف و دموعها نازله على خدودها

خافت اكتر من ابتسامه ماجد الخبيثه الى على وشه

ندى من خوفها فقدت الوعى ،،،،،،،،،،،،