قصة مكانش حلم الحلقة 16

اسلام غمض عينيه بوجع محسش بنفسه الا و هو داخل البلكونه و ماسكها من دراعها الى واجعها بكل قوته اتألمت ندى من وجعها
الموبايل اترمى من ايدها و صوتت

اسلام جرها قدامه لحد اوضتها ندى من خوفها حاولت تستنجد بحياة
لكن كان غلبها النوم

زق اسلام ندى على السرير

مسكت ندى كتفها بدموع ووجع

اسلام بعصبيه : مييييييييييين الى كنت بتكلميه

ندى برقت للحظات من الاتهام الموجه ليها منه معرفتش ترود

فسرة اسلام ان سكوتها دليل على خوفها

قرب منها اسلام نظرة عنيه خلت ندى رجع لورا من خوفها
و تستخبى تحت البطانيه

نظرة عنيها و منظرها و هى بتستخبى منه
مقدرش اسلام يستحمله مشى لبرة اوضتها وقف ع الباب و بصلها بعتاب و عصبيه متداريه

لكن عنيها مكانتش ظاهرة
رزع اسلام الباب و خرج

قامت ندى بحذر و هى بتبص ع الباب بخوف
اطمنت اما خرج مسكت دراعها و عيطت

ندى : ليه بيعمل معايا كداا ليه دايما بيجيب الغلط و اللوم عليا

لما هو مش بيحبنى ليه بيعلقنى بييييييييييه ليييييييييه

داست ندى على دراعها بكل قوة فيها و كتمت صرختها الى فجر دموعها

============================

اسلام دخل اوضته رمى المخدات من ع السرير و فل يكسر فى كل الاقلام الى ع المكتب و هو بيكلم نفسه بعصبيه مكتومه

عملت فيها ايه عشان تعمل فيا كدا
قصرت معاكى فى ايه يخليكى تحبى غييييييييييرى

خبط اسلام بإيدو على الكوميدينو من شده الخبطه الازاز اتكسر
دخل فى ايد اسلام و حس ان ايدو وقف

نام بوجع قلبه ووجع ايدو منغير ما يغير الجرح

==============================

دخل رشدى على سيف و كريم و مصطفى

رسدى : عامل ايه دلوقتى يا سيف ؟

سيف بتعب كويس يا بابا الحمد لله

رشدى : ربنا يخليلك صحابك طلعو بجد رجاله

كريم : متقولش كدا يا عمو احنا اخوات سيف

مصطفى : سيف اكتر من اخونا كمان و الله يا عمو

تدخل ريتاج بمعلبات عصير

كريم بيكلم رشدى و مش واخد باله من ريتاج

ريتاج : اتفضل

كريم بص لريتاج و رحت عينه لرشدى تانى و رجع بص لريتاج بسرعه

كريم : انتى مين ؟!

سيف : دى ريتاج يا كريم

كريم بنفس البصه : ريتاج مين

خبطه مصطفى فى كتفه ركز كريم : اها شكرا

رشدى : اسيبكو انا بقى مع بعض شويه ،، يلا يا ريتاج

ريتاج فتحت عصير و شربت سيف ومسكتهوله فى ايدو
و ضحكتله و مشيت مع رشدى

كريم : بقولك ايه يا سيفو ما تجيب العصير الى معاك دا

سيف : اشمعنا ؟

كريم : اصل الى معاك بالتفاح و انا مبحبش بالمانجا

مصطفى وشوش كريم : يلا يا جزمه تفاح بردو

*****************************

كريم بيفتح الباب متأخر
قفل الباب ببطء خوف ان حد يكون صاحى

شاف نور التليفزيون شغال خاف لتكون منى او عماد

بص بترقب لى حياه نايمه و التليفزيون شغال

راح طفى التليفزيون و شال حياه و هو بيخبط على باب اوضه ندى

ندى اتخضت من خبط الباب حست بضربات قلبها بتزيد و افتكرته اسلام

قامت بخوف وقفت ورا الباب

كريم بهمس : ندى انتى صاحيه ؟؟

ندى مسحت دموعها و لبست طرحتها و فتحت الباب و هى باصه فى الارض خوف انه يشوف دموعها

كريم شايل حياه : انتى سايبه حياه نايمه برة ؟

ندى حاولت ترود معرفتش استغرب كريم و هو بينيم حياه على السرير
بص لعنيها و هو خارج لقاها ماسكه دراعها و وشها باين عليه التعب

كريم بقلق : ندى ؟؟

ندى خافت من قرب كريم و افتكرت اسلام و هو بيقرب عشان يضربها
خافت بصتله بمفجأة ورجعت لورا

كريم اتخض من شكلهاو طريقتها

كريم : ندددى ماااااااااااااااااالك ؟؟

ندى مستحملتش الخضه اغمى عليها

كريم حاول يسندها كانت وقعت فضل يفوقها معرفش

طلع يجرى على اسلام شاف كل حاجه فى الاوضه متبهدله
و الازاز مكسور و ايد اسلام نازله من ع السرير غرقانه فى الدم

كريم وقف حس بشلل مش عارف يعمل ايه

طلع يجرى على اوضه منى و عماد و هو بيخبط عليها

عماد قام بخضه فتح ووراة منى

عماد : فى ايييييييه يا كريم

كريم بيحاول يستجمع كلامه ،،

كريم : ننننددددى يا بابا

عماد : ماااااااااالها ندى ؟؟

كريم : ااسلالام ببب...

منى بخضه : ماله اسلام انطق

=================================

دكتور خارج من اوضه ندى واقف كريم و عماد و منى و اسلام ايدو متجبسه
جوة شياله على كتفه

الدكتور : للاسف هى لازم تتنقل المستشفى
هو ايه الى حصل وصلها للمرحله دى ؟؟

عماد بقلق : ى ايه يا ادهم خير ؟؟

ادهم : عندها انهيار عصبى خلاها تفقد النطق

منى & عماد & كريم : تاااااااااااااااااانى ؟؟

ادهم : هى فقدت النطق اولانى ؟

عماد و منى بصو لاسلام من احساسهم ان هو عارف حاجه و ساكت

============================

فـ المستشفى ،،

كريم قاعد جنب ندى بيحاول يضحكها هو و حياه

منى و عماد قاعدين على كرسيين قدام بعض

عماد : حاسس ان فى حاجه اسلام عارفها

منى : مش عارفه يا عماد قلبى واكلنى عليه

عماد : انا خايف على ندى

منى : ايه الى يخليك تقول كدا ؟؟

عماد : ندى اى حاجه بتأثر فيها يا منى
قلبها ضعيف زى ما بيقولو ،، اى خبطه بتوجعها

منى : و دا ايه علاقته باسلام

عماد : مش عارف اهو كلمتين بفضفض بيهم و خلاص

منى : الظاهر اننا غلطنا اما جيبنا ندى تعيش معانا من الاول
و نسينا ان العيال مسيرها تكبر

عماد : تااااااااااانى يا منى هنعيدة

منى : خلاص سكت اهو

كريم قاعد جنب ندى : بقولك ايه بقى مش هتنطقى بقى

ابتسمت ندى

كريم : ايوة بقى ،، عارفه ايه احلى حاجه ، ان بسبب دخولك هنا
هعرف اتعرف على البنت الجديدة

ندى بصيتله بعتاب و زعل

كريم : لا ياختى اطمنى متبصيش كدا دى اخت صاحبى و ناوى معاها ع الجد
خطفت قلبى يا ندى وربنا ناوى اتوب ع ايديها

ندى افكرت فريدة و قلبها وجعها لصاحبتها

كريم : طبعا نفسك تعرفى اسمها ، اسمها ريتاج يا ستى
هطلع اطمن على سيف و هعمل قرد عشان اخليها تنزلك و تتعرفى عليها

ايوة ايوة اتشقلبى المهم تتكلمى معاها

زعلت ندى اكتر و مردتش عليه

كريم : و الله يا ندى ما هعرف بنات عليها
انا حبيتها بجد !!

=================================

محمود فتح الفيس حاول يدور على اسم اندى
شاف اسم اكونت شك يكون هو دخل ع صور الكفرز
لقى صورة ابتسم اما افتكر موقف الصورة الى هى حطاها

طلع ع البروفايل و بعتلها ادد بفرحه و ثقه انها هى

***************

فريدة قاعدة مع امل و بتحكى لها عن كريم

موبايلها رن قامت امل تشوف الاكل الى ع النار و ردت فريدة

فريدة : الوو

....... : فريدة ؟

فريدة بتشبه ع الصوت : ايوة مين ؟

اسلام : انا اسلام يا فريدة

فريدة بقلق : اسلام ؟ ازيك ؟؟

اسلام : فريدة انتى فاضيه ؟ ممكن اشوفك ضرورى ؟

فريدة بقلق : خيييييييييير يا اسلام ؟؟

اسلام : كل خير ان شاء الله