قصة مكانش حلم الحلقة 14

من طرف **Admin** الأربعاء يوليو 03, 2013 3:12 am

ريتاج قاعدة فى اوضتها و معاها يمنى

يمنى : خضتينى عليكى يا روجا ايه يبنتى الى حصلك

ريتاج : مش عارفه يا يمنى حاسه بحاجه غريبه

يمنى بتعجب : حاسه بايه ؟

ريتاج : سيف

يمنى باستغراب : ماله سيف ؟

ريتاج فكرت ما بين نفسها فى ثوانى و هزت دماغها لطرد الفكرة و قالت بتتويه للموضوع : قلقانه عليه اوووى

يمنى : ربنا يطمنا عليه يارب

ريتاج بوجع قلب : ياااااااارب
ريتاج فى سرها : اكيد فى حاجه مخبينها عليا انا لازم اعرفها
لالالالالالالالازم
=============================

بنتين واقفين و بينادو ع محمود

..... : محمود ازيك ؟

محمود بصدمه فرحه : اندى ؟؟ ازيك

اندى : الحمد لله انتا ازيك ؟

محمود : انا عايش اهوو انتى الى مش باينه خالص ولا بتسألى

اندى بضحكه : انا بردو ؟ طب انا ع طول ع الفيس ومتابعه بس انتا الى مش بتسأل

محمود باستغراب : متابعه ؟

اندى بكسوف و تغيير للموضوع : اقصد يعنى متابعه اخبار الكليه فى الجروب و كدا

محمود بيأس : اهاا ،، ان شاء الله هسأل انتى اسمك ايه ع الفيس ؟

اندى : اشمعنا

محمود باحراج : عادى يعنى عشان اعملك ادد و ابقى اسأل

اندى بابتسامه : ممممممم اسمى مش غريب لو فعلا عاوز تسأل هتعرف تجيبه و تيجى بنت من ورا اندى

داليا : محمود اززززيك

محمود ببرطمه : دا وقت تيجى فيه يا هادمه اللذات

داليا : بتقول ايه ؟

محمود : لا ابدا بقولك منورة الجامعات كلها و الكليات و الوقفات و السكشنات ،، ضحكت اندى بصلها محمود : طب استأذن انا عشان اسلام جه

تبص داليا بسرعه ناحيه اسلام و تثبت عنيها لثوانى
تشدها اندى و هما ماشيين : و احنا كمان ورانا مشاوير
سلام يا محمود

يقرب محمود من اسلام : اهلا يا كبييييير

اسلام بابتسامه حزينه : ازيك يا محمود

محمود قلَب وشه : ازيك يا محمود ؟!
انتا زعلان منى ؟

اسلام : و هزعل منك ليه يا عبيط انتا

محمود : لا كدا مش زعلان ،، اصل انتا مش فاهم انتا لو مشتمتش بحس ان فى حاجه غلط انا اصلا بموت فى الشتيمه

اسلام ابتسم

محمود : لا كدا بجد فى حاجه ،، انتا اتخنقت مع ندى ؟

اسلام سكت فهم محمود و كمل كلامه

محمود : حصل ايه ؟

اسلام : مش عارف يا محمود فى ايه ،، ساعات احس انى فارق معاها اوووووووى و ببقى طاير
و سعات احس انها بتعاملنى كـ اخ مش اكتر و كـ واحد بيسعدها
و ساعات احس ان على لسانها كلام كتير هتقوله و كسوفها بيمنعها
و ساعات تانيه احس انى ولا حاجه فى حياتها

محمود : يااااااااااااااااااااة يا صاحبى كل دا فى قلبك

اسلام : و اكتر يا محمود و الله انا عايش متعذب
خايف يكون الى فى بالى صح

محمود : لا مش صح

اسلام : و انتا عرفت منين ؟

محمود : مش صح عشان مليون سبب
مش صح عشان من كلامك على ندى انها طفله و متعرفش حاجه فى الدنيا
و انتا الى مربيها و انتا عارف انك الوحيد الى فى حياتها
بس عامل زى الى بيقوله نتوقع الوحش عشان لما يحصل الحلو نفرح
ندى حتى لو مش بتحبك الحب الى انتا بتحبهولها
فـ هى متعلقه بيك اكتر من حُبك ليها

اسلام باستغراب : يا ابن الايييييه يا حودة طلعنا جامدين و بنقول كلام يريح اهووو

محمود : نفس حالتك يا صاحبى انا فيها

اسلام : تعرف ايه اصعب حاجه يا محمود تمر ع الواحد

محمود و اسلام فى نفس الوقت : ان حد يشكيله من حاجه هو حاسس بيها
و ينصح غيرة بس الكلام الى يقوله لغيرة دا مش قادر يقنع بيه نفسه

اسلام و محمود ضحكو لبعض و سلمو بالايد
و كملو طريقهم و مشيو

===================================

كريم مع سيف فى المستشفى
رشدى بيقراله قرآن ،، محمد دخل العمليه ،، كريم قاعد مع مصطفى حبه يقومو و حبه يتمشو و خوفهم و قلقهم مسيطر عليهم

طلع عامر من اوضه العمليات و هو بيمسح عرقه

جرى عليه كريم و مصطفى ووراة رشدى

دكتور عامر : اطمن يا رشدى العمليه تمت

رشدى بلهفه : هو يا عامر هو اخبارة اييه

عامر : لسه اما يفوق هنعرف النتيجه يا رشدى ،، خير ان شاء الله اطمن

=====================================

بنوتين قاعدين على ترابيزة فى كافيه قدام البحر

داليا : نفسى يعرف انى بحبه اوووووى يا اندى
دخلت كليه مش حباها عشانه
غيرت فى نفسى ليه و قافله قلبى عليه من سنين و ساكته
كل شويه اقول هيحس مبيحسش
انا خلالالالالاص يا اندى تعبت

اندى : انتى ليه عامله فى نفسك كدااا مهما عملتى يا داليا لازم تعرفى انه مش بيفكر فيكى
او بمعنى اصح عمرة ما هيفكر فيكى
اسلام بيعاملك كـ اخت و زميله مش اكتر متوهميش نفسك ببصه بصهالك من باب الزوق
او مرة صورلك ملزمه من باب البرستيج انه كدا بيحبك
انتى الى بتتعلقى فى اى حبل يا داليا

داليا : كفايه يا اندى كفااااايه

اندى : لا مش كفايه فوقى بقى عاجبك حالك كدا كل يوم قهرة و عياط
فكرك انا كدا هبقى مبسوطه ،، فكرى برة الصندوق يا داليا
فى ناس كتيرة اوووى بتحبك لو راحو مش هيرجعو و انتى الى فى الاخر هتندمى
و اسلام بكرة يخطب و يتجوز و يحب ،، دا لو مكانش بيحب
ولا ناسيه البنت الى مشى من الدرس عشانها فى ثانوى ؟؟
فوقى يا داليا

داليا بعياط : كفايه يا اندى كفاااااايه " قامت داليا تجرى برة الكافيه "
طلعت اندى فلوس من شنطتها و حطيتها ع الترابيزة بسرعه عشان تلحق داليا

برة الكافيه

اندى : استنى يا داليااا

داليا بهيستريا : مش عايزة اسمع حاجه انتى عمرك ما هتجربى احساسى
بتقولى كلام يوجعنى تحت مسمى بتفوقينى
انتى مشاعرك ماتت مع نور يا اندى
نور مات و مشاعرك ماتت معاه

إندى وقفت للحظات داليا بتعيط بهيستريا و ناس كتير وقفت تتفرج عليهم فى الشارع

داليا لقفت وشها و مشيت ،،
مر على اندى شريط ذكرياتها قدامها للحظه موت نور
حست انها شايفاه قدامها مقدرتش تتمالك نفسها ،، اغمى عليها

======================================

ندى قاعدة فى الكرسى الى قدام اسلام و حياه جنبه ع السفرة عماد على رأسها و منى جنبه فريدة جنب ندى

اسلام بيقلب فى طبق الشوربه الى قدامه و كل شويه يخطف نظرة لندى
و معظم نظراته كانت بتتقابل مع عيون ندى
و مع كل مقابله لعيونهم كان كل واحد منهم ينزل عينه فى الطبق الى قدامه بسرعه

فريدة : الحمد لله تسلم ايدك يا ندى سفرة دايمه يا طنط منى

منى بابتسامه : تسلمى يا حبيبتى

ندى : نعم ؟ اقعدى كملى اكلك يا فريدة

فريدة : اكلت يا ندى و الله

ندى قامت باستسلام مع فريدة عشان تغسل ايديها و شالت طبقها و طبق فريدة معاها

اسلام : انا كمان شبعت هقوم اذاكر
دخل اسلام اوضته هروب من ندى

طلعت ندى تبص ع اسلام ملقتهوش قاعد رجعت تانى لفريدة الى دخلت البلكونه

ندى داخله البلكونه بكوبايتين عصير
فريدة بتلعب مع حياة

ندى : يويو تشربى عصير مانجا ولا فراوله ؟

حياة : فراوله

فريدة : انا بقى مش هعرف اشرب اى حاجه عشان يدوبك اروح قبل ما ماما تيجى م الشغل

ندى : طب مجاتش ليه ؟

فريدة : عندها شغل كتير يا نودى و الله بس قالت هتكرر يوم الجمعه الى فات و تيجى تانى

ندى : ياريت يا فيرى ، طمنينى عليكى اما توصلى

طلعت فريدة و معاها ندى بتوصلها للباب
فى نفس اللحظه الى طالع فيها اسلام من اوضته

قفلت ندى الباب و طلع اسلام قعد قدام التليفزيون
مشيت ندى بتجاهل لاوضتها و اسلام بيصتنع عدم الاهتمام
اسلام فى سرة " هتقفى قدام الاوضه و هتمسكى الاوكرة و هتلفى و هتيجى تقوليلى انتا صليت المغرب ؟ "

وقفت ندى ققدام الباب و حطت ايديها على الاوكرة رجعت تانى ليه

ندى : صليت المغرب ؟

اسلام : لا لسه مستنيكى

ندى بفرحه جواها كتمتها : طب و مقولتليش ليه ؟

اسلام بابتسامه و فرحه مقدرش يخبيها : عشان عارف انك هتيجى دلوقتى و تقوليلى يلا نصلى

ضحكت ندى و على صوت اسلام بالضحكه

صلى اسلام بـ ندى قامت ندى و شالت مصليتها و اسلام بيبصلها

ندى : انتا بتبصلى كدا ليه ؟؟

اسلام بسرحان : عارفه يا ندى عيبك انى حافظك و عارفك عشان كدا مش بقدر ازعل منك

ندى : على فكرة انا مش قصدى ازعلك يا اسلام
مشيت ندى بسرعه ناحيه اوضتها قبل ما اسلام يخلص كلامه
اتدايق اسلام من تصرفها شال مصليته و لقاها جايه و فى ايديها العلبه الى شافها الصبح

ندى مدت ايديها بالهديه : كل سنه و انتا طيب

اسلام باستغراب و هو بيفكر : يعنى ؟؟

ندى : بعد بكرة 3 عيد ميلادك

اسلام اخد الهديه و هو فرحان اوووووى بيها و مكسوف اوى انه زعلها الصبح

اسلام : ندى انا اسف

ندى : ايه دا بقى هو احنا فى بينا اسف ؟؟

اسلام : اله بقى ع التقليد كلمتى دى ع فكرة

ندى : ع فكرة ع فكرة احنا مافيش بينا كلمتك و كلمتى

اسلام : و دى كمان كلمتى

ندى : ها ها ها ها بردو بردو بتاعتى و بتاعتك ؟؟

اسلام ^ ندى : ههههههههههههههههه

اسلام : ندى انا عايز اقولك حاجه

ندى : قوول

اسلام : ربنا يخليكى ليا يا اطيب قلب فى الدنيا

ندى بكسوف : و يخليك ليا يااااارب

====================================

محمد طلع من العمليات و فاق

دكتور عامر و رشدى و كريم و مصطفى جنبه

عامر بيفك الرباط الى ع دماغه و مغطى عينه

محمد ( سيف ) : بيفتح عينه بتعب

عامر : سيف بصلى شايفنى ؟
شايف ايدى

محمد ( سيف ) بيحاول يجمع : آة دماغى

عامر : سيف انتا شايف ايدى دول كام

محمد ( سيف ) : اة شايف ... 3

عامر و رشدى بفرحه حضنه
كريم جرى على سيف و هو بيبوسه م جبينه براحه

عامر اخد رشدى بعيد عن سيف و اصحابه

رشدى : خير يا عامر ؟

عامر : انا عايز اقولك حاجه يمكن تفرحك

رشدى : ايه يا عامر قول ؟

عامر : سيف فقد الذاكرة نهائيا اى حاجه حصلت من اول ما اتولد
لحد قبل الحادثه الى عملها صعب جدا يفتكرها بل مستحيل

رشدى بفرحه : انتا بتقول ايه يا رشدى

عامر : انا نسيت اقولك انه لو ما اتعماش كان هيحصله تأثير كلى ع المخيخ يخليه يفقد اى ذكريات عملها قبل تكوين الجلطات

رشدى بفرحه اكبر : الف حمد و شكر ليك يارب
الف حمد و شكر ليييييييييييك يارب

===================================

صحى اسلام الفجر قفل موبايله ع المنبه الى ظابطه
اتصل بندى لقاها ويت قام يخبط عليها

وقفه الحوار الى سمعه من ورا باب اوضتها بالصدفه

فريدة : ادتيله الهديه ؟

ندى : ايوووة يا فيرى و فرِح بيها اووى انا فرحانه انى فرحته زى ما بيفرحنى

فريدة : ايوووة يا عم المهم انه يفهم انك بتحبيه

ندى : اتلمى يا بت بتكسف

فريدة : طيب انتى اتديتى لكريم هديته ولا لسه ؟؟

ندى بتريقه : اه ادتهاله بس على الله يفهم انى انا مهتمه بيه و بحبه بقى و كدا و انا اصلا بحبه زى اخويا وانتى تضحى بالى بتحبيه عشان بيحب صاحبتك و افلام عربى بقى و كدا

اسلام مقدرش يكمل بقيه الكلام فهم ان ندى بتعامله زى اخوها
و انه هو الى بنى وهم على مفيش

دخل اوضته تانى و خنقه الدنيا فيه نفسه يبكى بس دموعه مش قادر ينزلها من عيونه

فريدة : هههههههههههههههههههه اة يانى منك
بت روحى صلى هو اسلام مش المفروض بيصلى بيكى

ندى : هههههههههههههه اه ياختى بيصلى بيا اقفلى هرن عليه اصحيه
او شكله رن و انا بكلمك اصلا نفسى تسمعى صوته فى القرآن يا فيرى
احساس بجد فظيع انا بحب كل حاجه فيه ربنا يخليه ليا

فريدة : ربنا يكتبهولك يا حبيبتى و يجعله من نصيبك

ندى : يااااااااارب يا بيبتى

فريدة : يلا بقى نهارك سعيد

ندى : قديمه اووى ناقصلك الطربوش

فريدة : يلا يا رخمه

قفلت ندى مه فريدة و هى فرحانه لقت ان اسلام فعلا اتصل بيها
اتصلت يبه موبايله مقفول

قامت تشوف فى الريسيبشن ملقتهوش

خبطت ع الباب براحه اما لقت فى نور جوة الاوضه

اسلام عرف انها ندى طفى الاباجورة بعد ما صلى و نام

ندى شافت النور اتقفل استغربت رجعت اوضتها لقت الشروق مش باقيله كتير صلت و نامت و هى بتفكر