ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&

انضم إلى المنتدى ، فالأمر سريع وسهل

ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&
ولاد البلد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قصة مكانش حلم الحلقة السادسة

اذهب الى الأسفل

قصة مكانش حلم الحلقة السادسة  Empty قصة مكانش حلم الحلقة السادسة

مُساهمة من طرف Admin الأربعاء يوليو 03, 2013 1:53 am

دخل محمد المكتب وطى ع الورق و رتبه بص على الورق و اتفاجأ من الى فيه ...

محمد : ايه دا ؟؟!!
معقووووله ؟؟

رشدى قآم يتوضى عشان يصلى لقى نور المكتب مفتوح
دخله بإستغراب لقى محمد بص بصدمه

رشدى واقف متلجم مكانه

محمد باصص للورق و وشه مش عليه اى علامات ،،

محمد بص لرشدى فجآة : بابا حضرتك الى عملتلى الملخص دا

رشى ابتدى يمشى خطوة خطوة لجوة المكتب قرب ع محمد ،،
شاف الورق لقاه الورق الى محمد قايل مش عارف اعمله
و هو عملهوله

رشدى اخد نفس طويل و راح قعد ع المكتب اطمن ان الدرج المهم بتاعه مقفول بالمفتاح

قام و هو بياخد المفتاح بتاعه و بيحطه فى جيبه و بيرود بابتسامه :
انا ليا كام سيف يعنى ،، ربنا يخليك لينا يا حبيبى

قامح محمد جرى على رشدى و حضنه : ربنا يخليك ليا ي بابا يارب

رشدى اتفاجأ من حضنه بس فرِح اوى و حاوطه بإيد و طبطب علي كتفه بالايد التآنيه

===============================

ندى : انا هطلع اتوضى
ندى طالعه و اسلام طالع وراها من اوضتها اتخضت ندى اول ما شافت كريم راجع اوضته و فى ايديه ازازة ميه بيشرب منها

اتخضت بصلها كريم و لقى اسلام

قالهم كريم باستفهام : انتو بتعملو ايه هنا ؟؟

ندى بصت ع اسلام

اتقدم اسلام و قال : شفت ندى نآيمه فى البلكونه بتاعه اوضتها من بلكونه الريسيبشن ،، خبط عليها و صحيتها

بصتله ندى بـ رآحه

كريم بخبث : لا و الله بجد كووويس فى يوم هبقى ادخل اصحيها انا كمان

اتعصب اسلام قرب من كريم و عايز يضربه مسكت ندى فى صباعه ،، هدِى اسلام و قاله بنبرة اقرب للعصبيه

اسلام : احترم نفسك يا كريم و اعرف انك بتكلم اخوك الكبير

كريم بتحدى : و اما اخويا الكبير يعمل حاجه غلط من حقى انى انصحه

اسلام شد ايدو من ندى بعصبيه و مسكه من التيشرت بتاعه : اتلم يا زفت

كريم بعِد عنه و فكر للـ لحظه انه مش عايز منى و عماد يعرفوا عشان يمسكها على اسلام ذِله

كريم عدل هدومه : المهم تقلب الله ،، مش انتو هتصلو
ضحك كريم ضحكته المعتاد و فتح ازازة المايه و شرب منها و هو داخل للاوضه و بيغنى

اسلام بص عليه و هو بيدخل بغل و غيظ ،، بص ع ندى لقاها باصه فى الارض و مش فاهمه كلام كريم بس هى حاسه انه اهانه ليها

اسلام قرب من ندى ،، ندى بعدت عنه
اتدايق اووى قال : لو سمحتى متعيطيش ، هو كريم كدا يا ندى
انتى مش لسه هتعرفيه ،، مش يلا عشان نصلى ؟؟

ندى لسه باصه فى الارض ردت بصوت مكتوم من الدموع و هى بتقفل الباب : معلش يا اسلام هصلى لوحدى انهاردة

اسلام بص للباب و هو بيتقفل راح اتوضى بعصبيه و كل تفكيرة فى كلام كريم و خوفه من انه يقول لمنى و عماد و يدايقو ندى

**************************************

ندى قآعدة فى اوضتها دموعها على خدها ،،
استنت لحد ما سمعت صوت باب بيتقفل و عرفت ان اسلام دخل اوضته طلعت اتوضت و دخلت اوضتها بسرعه

ندى قاعدة على سجادة الصلاة ، : يارب انا مش عارفه ادعى بإيه بس انتا عارف يارب انى محتجالك و انى بحبك اووى
ساعدنى يااارب

فضلت ندى صاحيه و اسلام بيحاول يلهى نفسه بالمذاكرة و مش عاجبه تصرفات كريم و الى بيعمله مع ندى

جاتله فكرة ابتسم و مسك القلم و ذاكر بجد

الساعه 7 الصبح دخلت منى على ندى ،،
ندى عملت نفسها نآيمه

منى قعدت جنب ندى و هى بتمسح على شعرها : ندى حبيبتى قومى يلا

ندى : صبح الخير

منى : صباح النور يا حبيبتى

قامت ندى : انا صليت الفجر ،، هلبس و اجهز للمدرسه ع طول

منى : استنى يا ندى انا عارفه انك منمتيش

ندى بصتلها بدهشه و خآفت ليكون كريم قالها حآجه

منى فهمت بصتها دى ان كلامها صح و كملّت
منى : انا عارفه انى امبارح كنت عصبيه

بس يا ندى بكرة اما تكبرى و تبقى ام هتقدّرى موقفى
و هتقدّرى الى انا فيه

و انتو التلاته عندى واحد ارجوكى متزعليش منى

ندى حست بفرحه من كلام منى و حنيتها خليتها قربت منها وحضنتها اووى

ندى : انا بحبك اووووى

منى : يا ايه ؟؟

ندى : يا ماماااا

***************************

ندى و عماد و اسلام و منى قاعدين بيفطرو ع السفرة
عماد طالع بيسند كريم و حطله كرسى يحط عليه رجله

شاف اسلام و ندى بصلهم بضحكه

اسلام اول ما شافه اخد سندويتش و قال لـ ندى

اسلام : متبقيش تنامى تانى فى البلكونه يا ندى

كريم اتلاشت من على وشه الابتسامه و هو بيقعد

ندى بصتله باستغراب ،، مى و عماد بصوله كمل اسلام

اسلام : انا بالصدفه شفتك ،
متدخليش البلكونه بليل لو نعسانه عشان متتعبيش

منى بعدم فهم : انا مش فاهمه حاجه

اسلام : يا ماما ندى امبارح غلبها النوم فى البلكونه الفجر
و احنا متعودين بنصلى مع بعض كل الفروض
قولت اطلع استنى فى البلكونه بتاعه الريسيبشن لقيتها نايمه ع الكرسى و ساندة ع السور خبط عليها لحد ما صحيت ،" و بص ع ندى " و صلينا جماعه "
حتى كريم تقريبا او بابا صحى

كريم بخيبه امل : كنت انا يخويا

ندى بصت لاسلام بضحكه مستخبيه فرِح اسلام لضحكتها اووى

منى طبطبت على ندى و قالت : خدى بالك يا نودى بعد كدا

عماد : و ابقى تقلى ع نفسك لو حبيتى تدخلى البلكونه يا ندى ،، انتى ضعيفه و ممكن تتعبى بسرعه

ندى بفرحه اكبر من اهتمامهم : حاضر

صوت الباس بيزمر قامت ندى من ع السفرة و هى بتلبس شنطتها

ندى : انا نازله يا ماما

عماد : و مافيش بوسه لبابا طيب

ندى قربت من عماد و باسته على خدة

منى ندهت ع ندى : ندى خدى السندويتش كمليه و انتى نازله

ندى : مش قادرة يا ماما

منى : يلالالالالالا

ندى بفرحه اوووى : حاضر ،، مشيت لحد الباب و رجعت كأنها نسيت و قالت
" معلش يا كريم نسيت اصبح عليك و اقولك الف سلامه "
فتحت الباب و هى بتضحك بصلها اسلام و لف دماغه يمين و شمال بضحكه

منى : ربنا يرجعك بالسلامه يا رب

عماد : خلفه البنت تختلف بردو و بص لاسلام و كريم : شوفى جِمال بتاكل ،، و بص لمكان ندى : انما ندى رقه و ادب
البنت تختلف بردو البنت حبيبه ابوها

كريم : بس هى مش بنتك و مش مكتوبه باسمك يا بابا

عماد فاق من سرحانه : كُل ياض كُل حتى فى كلامكم سم

منى و اسلام ضحكو اووى

كريم قام دخل اوضته و هو بيسند على العكازات

قام عماد يروح شُغله وصلته منى لحد الباب
و دخل اسلام يزاكر و منى لمت السُفرة

======================================

كريم بيلعب بلاى ستيشن

اسلام خلص مذاكرته و دخل لمنى فى المطبخ يساعدها

اسلام : مش عاوزة حاجه يا ماما ؟

منى : ربنا يسعدك يا حبيبى يارب

اسلام : ماما كنت عايز اطلب منك طلب ؟

منى بتقطع السلطه : قول يا اسلام

اسلام : عايزين فى يوم نروح دريم بارك او اى مكان ملاهى
ندى عمرها ما راحت الاماكن دى

منى التفتت ليه و قالت : اة صح هشوف الموضوع دا مع عماد و نطلع الاسبوع الجاى

قامت منى حست بدوخه مسكها اسلام

اسلام : مالك يا ماما

منى : مش عارفه يا اسلام حاسه بدوخه م الصبح

اسلام : انا هكلم بابا ييجى ياخدك للمستشفى

منى باستسلام : ماشى

==============================

راحت ندى المدرسه و قضت يومها و فى المرواح اخدت حاجاتها و طلعت الباس كالعادة

ندى قاعدة فى الباس ناحيه الشباك و فرحانه جدا بمعامله عماد و منى ليها
و اهتمامهم و فرحانه اكتر بـ اسلام

غمضت عنيها و سرحت و هى بتفتكر اسلام و كلامه

هشام : يبنى كريم مش معاها مستنى ايه روح قولها و إخلص
عمر بيبص لندى

عمر : لا يا هشام بلاش دلوقتى

هشام : ليه لا ؟؟ انتا ضامن كريم ما ممكن يجى بكرة و انتا عارف كريم مش بيغيب الا للشديد القوى عشان لعب الكورة

عمر بص لهشام و كتب فى ورقه : انا بحبك يا ندى

قام عمر و هشام بيبص عليه ،،

و قعد جنب ندى

بصتله ندى و ضمت شنطتها اكتر و اتعدلت فى قعدتها

عمر : ازيك يا ندى ؟

ندى استغربت انه يعرف اسمها

عمر طلع الورقه من جبيه و اداها لندى
عمر : انا اسمى عمر ممكن تاخدى الورقه دى

ندى مش فاهمه حاجه اتكسفت تحرجه و هى مش عارفه تتعامل ازاى لقت نفسها بتاخد الورقه

قام عمر و كان وصل الباس لبيت ندى
نزلت ندى و قعد عمر مكانها و قام هشام قعد جنبه

هشام : ادتهالها ؟؟

رد عمر و هو بيهز راسه بـ آة

هايدى بصت لصاحبتها ،،

هايدى : هو ماله بيها و ايها لورقه الى ادهالها

نور : يا ستى يا خبر بفلوس بكرة نعرف

هايدى بتبص لعمر الى بيهزر مع هشام
اوعى تكون بتحبها يا عمر ،، انا الى بحبك

======================================

ندى طالعه البيت و فى ايدها الورقه بتخبط ع الباب و هى بتفتحها
قرت الى جواها بصت بإندهاش
فى نفس الوقت الى اسلام بيفتح فيه الباب

ندى اول ما شافته بصتله بصدمه و طبقت الورقه بسرعه فى ايديها

استغرب اسلام : مالك يا ندى و ايه الورقه دى ؟؟
مد ايدو عشان ياخدها

ندى بلجلجه : لا ابدا مافيش دى ورقه كنت بلعب فيها مع صحابى

عرف اسلام انها بتكدب من طريقه كلامها و عايز يعرف ايه الى فى الورقه

ندى بتبص فى الشقه : هى ماما فين ؟؟

اسلام و بيطنع البرود قعد قدام التليفزيون مرضاش يقولها انها راحت المستشفى عشان ميقلقهاش : بابا جه اخدها و راحو مشوار

ندى : انتا صليت العصر ؟

اسلام : لا

ندى : طيب هتدخل اتوضى و اجى نصلى

***********************************

فـ المستشفى

عماد : خير يا دكتور

الدكتور : مبرووك المدام حامل

يُتبــع ،،
Admin
Admin
Admin

المساهمات : 54
تاريخ التسجيل : 02/07/2013
العمر : 27
الموقع : egypt

https://wladelbalad.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى