ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&

انضم إلى المنتدى ، فالأمر سريع وسهل

ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&
ولاد البلد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قصة مكانش حلم الحلقة 29 والاخيرة

اذهب الى الأسفل

قصة مكانش حلم الحلقة 29 والاخيرة  Empty قصة مكانش حلم الحلقة 29 والاخيرة

مُساهمة من طرف Admin الأربعاء يوليو 03, 2013 5:38 am

الممرضه طلعت لـ عماد و منى و ادتلهم كيس لقوة فى طرحه منى

فتح عماد الكيس لقاه فيه قسايم كلها بـ اسم ماجد بتواريخ متقاربه جدا

عماد : كدا وجودنهم هناك مالهوش اى داعى

خد عماد تقرير من الدكتور بحاله ندى ووكل محامى و راح معاه القسم


المحامى : حضرتك دلوقتى التقرير الطبى معاك
و الى بيبين انها حاله تعدى على الانسه ندى
يعنى موكلى كان من حقه يدافع عن زوجته
ووجودنهم هنا مالهوش اى داعى لان ماجد لو كان عايش كان هيتعدم
بتهمه التعدى على انثى و خطفها و السبب التانى تعدد الزوجات فى التواريخ المتقاربه و انه كان بيبقى على زمته اكتر من 5


الظابط : اكتب عندك يبنى و يخلى سبيل كل من
سيف رشدى عبد العظيم
اسلام عماد الدين عااصم
كريم عماد الدين عاصم
بكفاله 300 جنيه لكل فرد


===================================
عماد اخد اسلام لـ ندى ،، محمد استأذن عماد و كريم انه يرجع القاهرة و هييجى تانى
كريم فضل فى الفندق مستنى فريدة تجيب لبس لندى من اوضتها
عشان يوصلها تانى المستشفى
==============================
ندى ع السرير بتحلم و جسمها كله بيتنفض من الكابوس

فلاش بآك

باب الاوضه الى كانت فيها اتفتح شافت ماجد رابط دماغه و القماشه كلها فيها دم و بيقرب منها و مبتسم ابتسامه خفيفه

ندى بترجع بضهرها و هى حاسه بشلل و بتصوت

ماجد ماشى ناحيتها ببطىء كأنه واثق ان محدش هيسمعها ولا حد هينقذها

ندى عايزة تجرى فجأة سكتت اما لقت شيرين داخله من الباب و بصت بخوف

ماجد بص وراة بنفس الابتسامه شيرين اسجمعت كل قوتها و ضربته فى قلبه بالسكينه

ماجد وقف مشلول لحظات ندى خافت من شيرين
شيرين وقعت من طولها من ضعفها و الضرب الى اضربته
ماجد بيطلع فى الروح و سايح فى دمه

ندى شافت المنظر وقعت من طولها

اتنفضت ندى و جهاز القلب صفر

اسلام بيتابع ندى من الازاز نفسه يكون جنبها نفسه يمسك ايدها و يحسسها بالامان مش عارف
ممنوع عنه يدخل لـ سلامه ندى

احساس صعب اوى اما يكون قدامك الشخص الى بتحبه و بيفرقك عنه خطوتين
خايف تقرب لـ تأذيه و فى نفس الوقت بتموت فى كل لحظه انت بعيد عنه

اسلام ساند دماغه ع الازاز و مغمض عنيه بيحلم بالساعه الى هتفوق فيها ندى و ترجع زى الاول

فاق على صوت الصفارة برق عنيه

جرى زى المجنون على الممرضات ندهو للدكتور و فـ اقل من دقيقه كانو بيعملولها صدمات كهربائيه


اسلام جرى وقف ع الازاز و هو مبرق عنيه و دموعه نازله و مسهم

اسلام بشحتفه و صدمه : لالا لا ندى مش هتموت مش هتموتى يا ندى ، ندى ياااااااااااااااااارب ياااااااااااااااااااااارب بقى
ارجعيلى يا ندى اصلك قولتى انك مش هتسيبينى
مش انتى دايما بتقولى عليا ابنك انا ابنك صح
حد يسيب ابنه ، قومى يا ندى اانا بقيت زوجك من حقى اخبيكى من كل الناس
و من حقى امسك ايديكى
قومى يا ندى انا بقيت ليكى و انتى بقيتى ليييييييا

ندىىىىىىىىىىىىىىىىىىىىىىىىىىىىىىىىىىىىىىىىىىىىى

===========================================

محمد نزل القاهرة
فتح الباب بالمفتاح اول ما شافته ريتاج جريت عليه
عشان تحضنه
وطى محمد كأنه بيجيب حاجه م الشنطه وقفت ريتاج مكانها

ريتاج باشتياق : وحشتنى وحشتنى اووووووووووى يا سيفوو

محمد مش عارف يرود عليها لانه حرام و فى نفس الوقت مش قادر يجرحها

اكتفى بابتسامه و بطريقه شقيه : بابا هنا ؟

ريتاج : ايون يا استاذ انتا نسيت ان سيادتك بابا واخد الاسبوع دا اجازة و الى جاى


محمد : اه صح ريتاج انا تعبان اوووى ممكن تعمليلى كوبايه شاى

ريتاج : طبعاااا دنا مصدقت جييييييت و عايزة اوريك حاجات كتيرة اوى

محمد و هو ماشى ناحيه اوضه رشدى : هسمع كل حاجه بس اعمليلى شاى لحد ما اسلم ع بابا
ماما هنا ؟

ريتاج : لا منتا عارف ماما مش بتيجى دلوقتى

دخلت ريتاج المطبخ و خبط محمد على اوضه رشدى


رشدى : ادخلى يا روجا


فتح محمد و بـ استياء بس انا مش روجا

رشدى قام بفرحه و هو ماسك قلبه : سيييف حمد الله ع السلامه
وحشتنى اوى يا ابنى


محمد بصوت واطى و هو بيقفل الباب : بس انا مش سيف و مش ابنك

رشدى بلع ريقه بـصعوبه و كمل : مممش ابنى ؟
مش ابنى ازاى

محمد و ابتدى يدمع : يعنى مش ابنك
يعنى انا محمد عبدالله السيد جمال
سنى الحقيقى 22 سنه
الحاله يتيم
عملت حادثه و كنت انت الراجل الى خابطنى و انا عندى حوالى 16 سنه
فقدت الزاكرة و تم استئصال جزء من مخى
خلانى هقضى طول عمرى تايه

يعنى ابن حضرتك يا استاذ رشدى مات و انت خلتنى نسخه سيف التانيه

انا مش عارف اعمل ايه لانك الراجل الى ربانى و فاكرلك حجات كتيرة اوى حلوة

بس مفكرتش فـ بنتك و علاقتى معاها بـ انى اخوها و مسموحلى انى اخدها فى حضنى و اطمنها وقت خوفها
و امسك ايديها و انا بعديها و اقضى طول اليوم معاها
فـ ان كل دا حرام ؟

مفكرتش فـ الى ورايا و ان كان ممكن يكون فى ناس
من بعدى هيجرالهم حاجه لو عرفو انى رحت

مفكرتش و سكت محمد و هو بيفتكر ندى
بسببك حب حياتى ضاع
البنت الوحيدة الى حبيتها راحت
و انا الى كنت مستغرب انى ازاى مشدودلها و حاسس انى شفتها
و حاسس انى اعرفها و كميه الحب الى جوايا ليها

نسيت يا استاذ رشدى ان زاكرتى راحت بس قلبى لساة زى ماهو


رشدى بتعب : كفايه كفايه يبنى

محمد : لا مش كفايه مش كفايه انك شيعتنى و خلتنى مسواش
مش كفايه انك دمرت حياتى

صوت محمد ابتدى يعلى رشدى قعد ع السرير و هو بيبكى و كان عارف ان يوم زى دا هييجى

ريتاج فتحت الباب بعصبيه

محمد : اطلعى برة يا ريتاج

ريتاج : لا مش هطلع انت بتزعق لبابا ليه كدا يا سيف
و اتفجأت ريتاج بدموع رشدى

ريتاج جريت عليه و حضنته

ريتاج : سيف انت مجنون انت عملت ايه فى بابا

محمد : ريتاااااااااااااااج اطلعى برررررررررررة

ريتاج : قولت مش طاااااالعه

رشدى بتنهيج : كف كف كفاايا كفايا

ريتاج بصدمه : بابا بابا رد عليييا رد عليا يا بابااااااااااا

محمد واقف مش عارف يعمل ايه
سند رشدى لحد ما نزلو و معاه ريتاج و شغل العربيه ووداة المستشفى

الامن : ترول بسرعه دا دكتور رشدى و ابنه

محمد ضحك بـ استهتار من الكلمه و هو بيسند رشدى ع الترول

رشدى طلب يشوف سيف

رشدى بتعب و كلام تقيل : انا مش عارف اقولك محمد ولا سيف
بس سامحنى يابنى
خد بالك على على ريتاج يا سيف

الدكتور غطى وش رشدى : البقاء لله يا جماعه ازمه قلبيه شديدة اوى
دكتور رشدى تعيشو انتو

ريتاج بهيستريا و عياط : مش مسامحاك يا سيف مش مسامحاااااااااااك
انت الى قتلت بابا مش عايزة اشوف وشك تانى انا بكرررررررررررررررررهك

رغم حُب محمد لـ ريتاج الا انه كان عاذرها
حس بوجعها و انه مكانها عيونه دمعت

مشى و خرج برة المستشفى
مشى و هو بيقول جواه ،، كدا احسن
انها تكرهنى احسن بكتير من انها تكرة ابوها و تتصدم اما تعرف الحقيقه
يآآآآآآآآآآرب قوينى يارب

شاف محمد يافطه مكتوب عليها مطلوب عمال متعلقه ع مطعم لسه فاتح جديد
دخل و قدم و استلم الشغل


=====================================


بعد مرور 10 سنين

============================

......... : أنا و الله مش عارف اقولك ايه عيد ميلاد بنت اخوك و صاحبك تيجيه متأخر يا محمود

محمود داخل شقه اسلام و فـ ايدة اندى و داليا
اتصدم اسلام اما شاف داليا و بص ع رد فعل ندى
بصتله ندى و ابتسمت بـ اندى و داليا و من جواها غل

محمود : يعنى انتا مش فاكر المقلب الى عملته فيا فى خطوبتى و مجيتش فيه

اسلام شد محمود ناحيته و هو بيسلم عليه : ايه الى جاب داليا يخربيتك يا محمود

محمود : و ربنا اندى الى جابتها عشان نفسها تشوفك

اسلام : هتحصل قافله

محمود بضحكه : i know

ندى فى المطبخ لتجيب اطباق دخلها اسلام : وربنا ما اعرف انها جايه
ندى حاولت تتظاهر بـ لا مبالاة : و حتى يا حبيبى لو تقصد
انت اخترت مين و بتحب مين و كنت معيد على مين فى الكليه .؟


اسلام : حبيبه قلبى نودا
وطى اسلام على بطن ندى و هو بيسمعها
الشهر السابع صح ؟

ندى : ايووون ، و يلا بقى نطلع لحسن تالا هتنام مننا
خرجو اسلام و ندى

ندى : اسلام اتصلت بـ فريدة ؟

اسلام : اة يا حبيبى تحت و طالعه هى و ،،،،


فريدة : انا سامعه حد بيجيب سيرتى

اسلام : هههههههههه اهى وصلت

ساب خالد ابن فريدة ايديها و طلع يجرى على تالا

خالد : تالا يلا نلعب

تالا : لا مش دلوقتى يا خالد استنى اما نطفى الشمع اما اونكل كريم ييجى

فريدة : شفتى بنتك يا ست ندى
بتتأمر على ابنى ازاى

ندى ^ اسلام : هههههههههههههههههه ليها حق بقى

دخل من برة محمد و هو شايل علب الجاتوة خدها منه اسلام

محمد : هههههههههههههههههه طبعا طبعا ليها حق حد يقدر يقول غير كدا يا ست ندى

اسلام : تسلم من كل سوء يارب

محمود : ايه عم مش هناكل

اسلام : همك على بطنك ع طول كدا يا ساتر
تالا قالت مش هتطفى الشمع الا اما كريم يييجى

كريم : ايون مين بينادى


ايلام : ايه يا جماعه انتو واقفين ورا الباب مستنيينى اقول لكل واحد بـ اسمه ، ما بدرى يا عم كريم

كريم : انا جايبلكو مفجأة تاتاتاتااااا

تدخل مع كريم بنت اجنبيه

البنت : هااى


ندى & اسلام & محمود & محمد ( سيف ) : مين دى ؟

كريم : ماى جيرل فريند يا جماااعه انوشكا

ندى ميلت على كتف اسلام من الصدمه
اسلام : دنا الى هشكو لـ رب العالمين ، خلاص خلصت ع بنات مصر و دخلت ع امريكا
هتبوظ العلاقات الوديه بينا و بين امريكا اه يا يانا يابا ياما

محمد ( سيف ) اخد فريدة و قعدو جنب تالا و خالد

محمود بص لـ اندى و هو بيضحك
اما داليا حست ان وجودها مالوش اى لازمه استأذنت و مشيت


خبط الباب : فتحت ندى

ندى : حبببببى تعالى يا يويو اتأخرتى ليه ؟؟

حياة : كنت بظبط حاجات فى الكاميرا
اوعى تكونو ابتديتو بابا و ماما طالعين

ندى : لا طبعا اكيد مستيينكو

الكل متجمع فى بيت ندى و اسلام لعيد ميلاد بنتهم

حياة قامت بعد تقطيع التورته و هى بتقول
يلا هصوركم صورة جماعيه

الكل اخد وضع التصوير
كريم ماسك ايد البنت الاجنبيه
ندى و اسلام واقفين بينهم تالا اسلام تالا بـ ايد و الايد التانيه محاوط بيها ندى
منى و عماد ساندين على بعض جنب ندى و اسلام
فريدة حاطه ايديها على كتف سيف و سيف بيضحكلها
خالد جرى وقف جنب تالا
اندى و محمود واقفين ع جنب و محمود بيعاكسها و هو حاطت ايدو ع بطنها لانها حامل

حياة : 1 2 3 سمااااااااااااايل


=====================================

كريم : يمكن اتشديت لفريدة و طريقه تفكيرها
بس انا كدا ،، مش هعرف اخطب و احب غير بنت تكون كامله من كل حاجه
مش هتجوز واحدة و اظلمها ، مش هتجوز الا اما احب بجد
ريتاج مكنتش تنفعلى دى اخت صاحبى و مكنش ينفع اخونه او اخسرة

محمد : ما بعدتش عن ريتاج و ماما هدى و كنت دايما اطمن عليهم من بعيد
لسه ريتاج واخدة عنى فكرة انى قتلت باباها بس اهو كدا احسن فرحت اووى اما اتخطبت و همى انزاح شويه ان بقى ليهم راجل يسأل عليهم
محمد كان لازم يفضل ميت و سيف الى يعيش لاسباب كتيرة
منها انى مش عايز ريتاج تكرة رشدى
و السبب التانى ان سيف هو الى اتجوز فريدة ،
يمكن حُب ندى لسه جوايا و الاول كنت خاطب فريدة عشان ابقى جنب ندى
بس اما قربت من فريدة حبتها من حبها ليا و مبقتش اقدر استغنى عنها لـ ثوانى اكتشفت ان حُب ندى كان تعود نسيته بـ ابنى خالد و فريدة مراتى

فريدة : حبيت كريم اه بس كريم مكنش ينفعنى حُب كريم كان حُب مراهقه
و انه الولد الوحيد الى كان قدامى ، يمكن سيف شبه محمد و دا عاملى ازمه بس حنانه و طيبته مخليانى مشوفش غيرة فى الدنيا
ربنا يخليه ليا


اسلام & ندى : يمكن قصتنا مش زى اى قصه !
بس عشان كان هدفنا من البدايه رضا ربنا
ربنا مكسرش بقلبنا و جمعنا فى حلاله

اسلام : كنت واثق اننا هنبقى لبعض و ان ربنا مش هيفرقنا ،، بحبك يا ندى

ندى : كان نفسى احضر كتب كتابنا اه ضحكت عليا بس عوضتنى بـ احلى فرح فى الدنيا و مش جديدة عليك ما انتا دايما مفرحنى
بحبك يا ابنى البكرى



تمت بحمد الله ،،،
Admin
Admin
Admin

المساهمات : 54
تاريخ التسجيل : 02/07/2013
العمر : 27
الموقع : egypt

https://wladelbalad.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى