ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&

انضم إلى المنتدى ، فالأمر سريع وسهل

ولاد البلد
بقلوب ملؤها المحبة
وأفئدة تنبض بالمودة
وكلمات تبحث عن روح الاخوة
نقول لكِ أهلا وسهلا
اهلا بكِ بقلوبنا قبل حروفنا
بكل سعادة وبكل عزة
ويسعدنا انك تنورنا فى المنتدى
&&&&&&&&&
ولاد البلد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

قصة مكانش حلم الحلقة التاسعة

اذهب الى الأسفل

قصة مكانش حلم الحلقة التاسعة  Empty قصة مكانش حلم الحلقة التاسعة

مُساهمة من طرف Admin الأربعاء يوليو 03, 2013 2:20 am

حمزة : سيبها يا اسلام متمسكهاش كدا

اسلام الدم غلى فى عروقه لاعلى درجه محسش بنفسه بيضرب حمزة ندى صوتت جريت على اسلام تشدة زقها اسلام وقعت ع الارض
احمد كان واقف بعيد جرى على حمزة يقومه و يبعد عنه اسلام

ندى قاعده ع الارض بتعيط مع لمه النآس اتفضت المشكله
مسك اسلام ندى من دراعها و زقها قدامه ع البيت

ندى ماشيه جنب اسلام بتعيط بشحتفه اسلام باصص الجنب التانى
بس كل ما كنت تيجى عربيه يحركها يمين و يحاوط عليها
قلبه مش مطاوعه تكمل عياط و كرامته منعاه انه يكلمها تفكيرة انها مراحتش الدرس عشان تقابل حمزة مسيطر عليه
عرفته امتا قابلته امتا لحقت تحبه امتا يعنى كل الى عايش فيه كان وهم ؟

انتهى حوار قلبه و عقله وقف مرة واحدة و لف ندى ليه و هو باصص لعنيها

اسلام : ليه كدبتى عليا يا ندى ليه مروحتيش الدرس

ندى بتعيط اكتر فسر اسلام عياطها بأنها حاسه بالذنب و خايفه انه يقول لمامته و باباة حاجه
ندى حاسه بوجع مكان الواقعه على ايديها لكن وجع نفسها و قلبها كان اقوى
مش عارفه تتكلم من صدمتها فى اسلام فين الحنيه و فين كل نبرة صوت حست فيها بـ آمان

اسلام استفز من سكوتها اكتر قال بعصبيه : متخافيش انا مش هقول لحد انى شفتك
سكت اسلام اتكونت فى عيونه دموع اما اتأكد ان ندى بتحب حمزة
و قال : بس اوعدينى انك مش هتشوفيه تانى

ندى زاد عياطها بأنه فهمها غلط اول مرة تتعرض لموقف زى دا
عايزة ترود و تفهمه كبريائها مانعها فضلّت السكوت

اسلام بصوت عالى خلى ندى تنتفض من مكانها : بطلى عياط قولت مش هقول لحد انى شفتك
مبحبش التمثيييل

ندى اتفجأت من كلامه من حدته و قوته بطلت عياط فعلا من خوفها و لقت نفسها لا اراديا ماشيه ورا اسلام فى ثبات

اسلام ماشى حايش دموعه " ليه يا ندى عملتى كدا انا عملت ايه معاكى يخليكى تفكرى فى غيرى يا خسارة طلعتى زى اى بنت "

ندى دموعها نازله على خدها " انتا اسلام الحنين عليا الى كان مصبرنى على الدنيا كل الناس بتتغير كل الناس واحد مكنش لازم اثق فيك و احبك الظاهر ان كل الى كان فى خيالى كان حلم نفسى اقولك انى مظلومه معادش ينفع "

وصلو البيت و كل واحد بيفكر فى حاجه عكس التانى اسلام واقف قدام العمارة باصص قدامه و مستنى ندى تطلع
ندى وقفت قدامه لثوانى نفسها تسأله انتا مش هتطلع ؟

اسلام و هو باصص قدامه و متجاهلها : هروح اجيب حاجات و هطلع متقوليش لماما حاجه و ان سألتك عليا قوليلها اى حاجه و قال و هو ماشى " انشاله حتى تقوليلها مات

***************************

طلعت ندى وطلعت المفتاح و قبل ما تفتح الباب طلعت مناديل ويبس من شنطتها و مسحت وشها و عنيها عشان ميبانش عليها انها معيطه

فتحت الباب و دخلت بصت على اوضه منى لقيتها مقفوله عرفت انها لسه نايمه و اوضه كريم و اسلام مفتوحه و محدش جواها دخلت على اوضتها رمت نفسها على سريرها و تفكيرها بأنه اسلام ظلمها واجع قلبها

حسست مكان الواقعه غيرت هدومها و بصت على المكان الى واجعها فى كتفها لقيته مزرِق ووارم جدا
نزلت دموعها و سكتت مسكت كتفها و نامت

=======================================================

منى و عماد و كريم و اسلام قاعدين على السفرة

عماد بيبص بتساؤل : فين ندى ؟؟

منى : دخلتلها لقيتها نايمه صحيتها مرضتش تصحى اما تقوم هبقى احضرلها الاكل

اسلام بياكل بمرارة رفع المعلقه و نزلها تانى : الحمد لله

منى : اقعد كمل اكلك

اسلام : شبعت يا ماما ورايا مذاكرة

دخل اسلام اوضته و كريم بيبص عليه مستغربه : ماما صحيح مستر اشرف مش هيدى الاسبوع دا

منى : ليه ؟

طلع اسلام تانى من الاوضه و هو رايح يشرب
كمل كريم : اصل فرحه كان انهاردة حتى مداش اى مجاميع

منى : و بعدين جاى يعمل فرحه قبل الامتحانات باسبوع

كريم : انا مالى بقى انا قولت عشان تقولو لندى متروحش

جه اسلام على اسم ندى بتساؤل لكريم

اسلام فى ايدو ازازة الميه : مالها ندى ؟

كريم : يبنى عايز اكككل ماما تقولك

اسلام بيحاول يبان هادى : فى ايه يا ماما

منى : مستر اشرف فرحه انهاردة و هيأجل دروسه الاسبوع دا
و مداش مجموعه كريم انهاردة و بتساؤل " هو ادى مجموعه ندى ؟؟

اسلام سرح لبعيد حس كأن حجر بينزل على دماغه احاسيس متلخبطه سرح فيها لثوانى من ظلم لندى على انها فعلا المستر مداهاش يعنى مهربتش من الدرس عشان حمزة طب وقوفها مع حمزة ليه

منى بزعيق : اسلالالالالالام

كريم : انتا يبنى ما ترود

اسلام : ها

منى : بقالى ساعه بنادى

اسلام ؟: معلش يا ماما لا المستر فعلا مجاش محموعه ندى انهاردة

منى : انا كنت بقولك ان عم سعيد اتصل بيا و قال انه راجع الشغل من بكرة
اهتم انتا بقى بدروسك

سمع الكلام و دخل اوضته فتح الكتاب مش قادر يركز
حاول يفتكر شكل ندى و هى واقفه مع حمزة حاسس ا نفى حلقه مفقودة بس الى متأكد منه انه مظلمهاش

طب ليه وقفت معاه ؟؟

رشدى داخل على محمد و هو بيزاكر

رشدى : حبيى ازيه

قام محمد حضن رشدى : الحمد لله يا بابا

رشدى : عندى ليك مفاجأة ،، عملتلك عضويه جديدة فى النادى

محمد بفرحه : ربنا يخليك لياااااااااي ا احلى بابا فى الدنيا كلهااا

اسلام قاعد فى اوضته مستنى ندى تطلع او تصحى او حتى نور اوضتها يتفتح لحد ما يأس غلبه النوم و هو قاعد ع المكتب

منى قامت الفجر لقت اكل ندى زى ماهو قلقت عليها دخلتلها حاولت تقومها ندى مبتتحركش
هزتها منى جامد قلقت عليها ندهت على عماد بصوت عالى اتخض اسلام و قام يجرى اول ما شافها جنب ندى عنيه برقت

عماد شال ندى كريم قام و هو بيدعك فى عنيه

منى بلهفه : كريم ندى مبنطقتش خليك هنا متفتحش لحد
Admin
Admin
Admin

المساهمات : 54
تاريخ التسجيل : 02/07/2013
العمر : 27
الموقع : egypt

https://wladelbalad.yoo7.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى